Ribadeo, 26 de novembro de 2021. Onte tivo lugar no Cine Teatro o acto en conmemoración do 25 de novembro A mocidade proactiva contra a violencia de xénero. Proxectáronse os vídeos elaborados polos centros de ensino, houbo unha representación teatral e gardouse un minuto de silencio polas vítimas da violencia de xénero.
O evento foi presentado pola concelleira de Igualdade, Mari Luz Álvarez Lastra, que falou de como a violencia contra as mulleres é un dos principais problemas da nosa sociedade, facendo fincapé na violencia vicaria como aquela exercida sobre as mulleres co fin de causarlle o maior dano psicolóxico a través do homicidio, asasinato ou outra forma de violencia dos seus seres queridos. No acto resaltouse a importancia de evitar a vitimización secundaria para conseguir que non se sintan soas e non se desalenten á hora de iniciar accións encamiñadas a poñer fin á situación de violencia. Nos últimos anos proliferaron os casos de violencia de xénero, xogando un papel moi importante o uso das redes sociais. Precisamente, este ano o traballo colaborativo e proactivo realizado pola mocidade nos centros educativos de Ribadeo reflicte que tamén as redes sociais pódense empregar dun xeito responsable e comprometido contra a violencia de xénero.
A continuación foi explicado o significado do cartel deste ano no que aparece o lema Calar non e amar. Ti dona de ti, que foi deseñada por Lucía Miranda Santamarina, alumna de 1º de bacharelato do IES de Ribadeo Dionisio Gamallo.
Despois interviñeron os presentadores dos diferentes centros de ensino de Ribadeo que daban paso aos vídeos elaborados por eles. En primeiro lugar proxectáronse os Tik- Tokers contra a violencia de xénero a cargo do CPR Sagrado Corazón e o IES de Ribadeo. Logo tocoulle a quenda ao CIFP Porta de Auga cos seus vídeos de Instagram e á EOI de Ribadeo con vídeos gravados nos distintos idiomas que se imparten no seu centro. Co nome de Historietas contra a violencia de xénero tamén se visualizaron os cómics, que segundo indicou a concelleira Igualdade, serán proximamente editados.
Por último, mostrouse como a rapazada menor de 14 anos dos centros de ensino Gregorio Sanz e Sagrado Corazón, empregou outros recursos gráficos facendo uns bonitos imáns para dar a súa propia visión sobre a violencia de xénero. Finalizou o acto cunha representación teatral, A historia de Pepa e Pepe, que escenifica a escaleira deste tipo de violencia, e cun minuto de silencio polas vítimas de violencia de xénero.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
