Lugo, 22 de novembro de 2021. A suba dos prezos da enerxía eléctrica e dos materiais da construción, froito da disparatada política enerxética do Goberno central, crea graves dificultades aos concellos, máis aínda debido a que a Deputación eliminou a posibilidade de prórrogas no Plan Único. A vista da actual situación, o portavoz provincial, Javier Castiñeira, sinala: “Pedimos ao goberno bipartito que convoque canto antes a todos os alcaldes da provincia para dar solución a este asunto; que chame tamén aos grupos da corporación provincial e que programa un plan de choque real, con medidas económicas adicionais para tratar de compensar a suba dos materiais de construción e da enerxía, ademais de medidas alternativas para flexibilizar a xustificación e evitar a perda de subvencións”. Os populares demandan tamén “un compromiso claro do presidente da Deputación para incrementar nos próximos orzamentos o Plan Único 2022, para tratar así de corrixir as consecuencias da nefasta estratexia do Goberno central con respecto á enerxía”.
Castiñeira lembra que os populares “levamos meses, incluso anos, avisando de que a nefasta política enerxética do Goberno influiría na subida dos prezos; a actualidade dános a razón”. Á vista das circunstancias, o PP pide “á Deputación de Lugo que non permaneza impasible diante deste problema, no que novamente vai chegar tarde, e que non esqueza que falamos dun problema que afecta a todos os concellos de Lugo, tanto pola suba dos prezos da enerxía como dos materiais de construción”.
O portavoz popular explica: “Recibimos queixas dos concellos porque teñen problemas para contratar obras, tanto do Plan Único 2021 como para poder xustificar as do 2020. Os concellos quéixanse de que, aínda por riba, o goberno provincial eliminou nas bases para este ano as prórrogas que eran tan necesarias; sempre, e máis agora. O feito de que non estean previstas prórrogas agrava a situación actual e no futuro próximo; este asunto debe ser reestudado, como queren os propios concellos”.
Castiñeira sinala: “A falta de previsión do goberno provincial diante deste asunto tan grave, a inacción que está a ter e o anuncio de conxelar o Plan Único fannos pensar que se poida dar un atranco na obra pública na provincia de Lugo”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
