Madrid, 24 de novembro de 2021. O Bloque Nacionalista Galego lamenta que 22 deputados e deputadas galegas de 23 votasen en contra da emenda da formación nacionalista aos Orzamentos do Estado para proceder á intervención pública de Alcoa. Previamente á votación o deputado Néstor Rego anunciara que o BNG non apoiaría as contas do Estado por, entre outras cousas, os partidos do Goberno non aceptaren avanzar na única alternativa para garantir a continuidade da actividade na Mariña e a salvagarda de todos os postos de traballo.
Rego denuncia o comportamento hipócrita e demagóxico dos partidos estatais que din unha cousa na Galiza e fan a contraria en Madrid. “Máis unha vez, comprobamos como os mesmos partidos cuxos representantes participan nas mobilizacións na Mariña, en Madrid, cando teñen a solución nas súas mans votan en contra. É lamentábel. Dan as costas aos traballadores e traballadoras e descualifícanse a si mesmos”, sinala o deputado nacionalista.
O BNG presentara unha emenda aos Orzamentos do Estado para impulsar a intervención pública temporal de Alcoa, por medio da compra por parte da SEPI nunha operación ponte para despois ser vendida a un operador industrial cun proxecto sólido, solvente e de futuro. No proceso de negociación cos partidos do Goberno, Néstor Rego fixo causa de que fose incorporada esta proposta dos nacionalistas, o que finalmente non aceptaron.
“Teríamos votado a favor dos Orzamentos simplemente a cambio da intervención pública de Alcoa”, así de contundente foi o deputado Néstor Rego na explicación do sentido de voto do BNG. “Se París ben vale unha misa, a continuidade da actividade e o emprego na Mariña”, enfatizou.
Rego considera inaudito que o día 15 deste mes Feixoo pedise a Reyes Maroto a intervención pública de Alcoa e uns días despois os deputados e deputadas galegas do PP votasen en contra. “Ou ben Feixoo actúa de forma demagóxica por interese partidista ou os deputados do PP da Galiza votan o que lles manda en Madrid, ou as dúas cousas á vez. O que fica claro é que non defenden os intereses dos traballadores e traballadoras nin da Mariña”, sentencia Rego.
Igual de crítico se mostra o deputado nacionalista co comportamento dos representantes de PSOE e Podemos. Para o BNG, que a Ministra de Traballo, que debería preocuparse por defender o emprego, votase en contra é moi grave. “Non vale de nada dicir que se está a favor dunha solución se cando esta está sobre a mesa, con forza de lei e por tanto de obrigatorio cumprimento para o Goberno, se impide co voto que saia adiante”, salienta o deputado.
Néstor Rego asegura que este comportamento dos partidos estatais é “decepcionante”, mais non só para o BNG, senón probabelmente para os seus propios votantes. “En todo o caso, o BNG continuará traballando para atallar a grave crise industrial que sofre a Galiza e para facer posíbel unha saída estábel e de futuro para Alcoa, e sabemos que iso pasa pola intervención pública”, conclúe o deputado nacionalista.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
Unha comedia orientada para público infantil escrita e dirixida por Bea Campos. Hora: 18h.
No marco do 8M, esta empresa de comunicación e publicidade decidiu celebrar a súa traxectoria reunindo a 18 mulleres diferentes para compartir as súas experiencias no ámbito persoal e profesional, co obxectivo de render un homenaxe á muller.
No acto, organizado coa colaboración da Vicepresidencia da Deputación e a área de Cultura do Concello, entregouse o Premio do Público ao filme Antes de Nós, de Ángeles Huerta, a obra máis votada pola cidadanía. A deputada de Cultura Iria Castro destacou que este encontro serve como adianto da gala e subliñou o orgullo de converter Lugo no epicentro do audiovisual galego durante estas semanas cheas de actividades arredor dos galardóns.
Cabe sinalar que o concello de Castro de Rei solicitou xa a súa adhesión ao novo convenio de xestión da biomasa nas faixas secundarias asinado entre a Consellería do Medio Rural e a empresa pública Seaga. Destacou así que a prevención é unha tarefa compartida por administracións e propietarios. Sinalou tamén as importantes novidades que presenta este convenio con respecto aos anteriores acordos, como é o incremento do orzamento, que ascende ata os 25 millóns de euros anuais.
A charla será impartida por Diego Fernández Méndez, colaborador da asociación, quen repasará a evolución do sector conserveiro e o seu impacto económico e social no municipio. A actividade inclúe un recoñecemento ás mulleres traballadoras de Conservas Albo, coincidindo coa conmemoración do 8M, cunha mención especial ás últimas empregadas que pecharon esta etapa histórica. A xornada rematará cunha degustación de produtos da marca.