Ribadeo, 29 de novembro de 2021. Acisa Ribadeo ven de presentar a súa campaña de Nadal, que se desenvolverá do 2 de decembro ao 9 de xaneiro de 2022. Inclúe a XI Festa do Comercio, que repartirá 4.000 euros en premios, ademais de ambientación musical, concursos, sorpresas para os máis pequenos e pequenas da casa e a instalación da árbore destas datas nas Catro Calles, todo baixo o slogan O Nadal vívese en Ribadeo.
O presidente de Acisa, Francisco Iriarte, dixo que “hoxe presentamos a campaña de Nadal que se celebrará do 2 de decembro ao 9 de xaneiro. Inclúe o sorteo da XI Festa do Comercio con 4.000 euros en premios, a colocación do árbore de Nadal de Acisa nunha nova ubicacion, actividades para as nenas e os nenos e a entrega de material gratuíto para os nosos socios e socias”.
O xerente da asociación, Jesús Pérez, explicou que “este ano, coma o pasado, o sorteo da Festa do Comercio non será presencial para evitar as aglomeracións que se producían outros anos nesa xornada. Este realizarase nas oficinas de Acisa o 10 de xaneiro e será emitido en vídeo a través das redes sociais da asociación, coa posterior publicación dos números agraciados nos medios de comunicación. Desde o 2 de decembro ata o 9 de xaneiro as rifas estarán a disposición dos clientes de todos os negocios asociados a Acisa Ribadeo”. E subliñou que “este ano temos novidades nos premios, que se repartirán nun de 2.000 euros, dous de 500 euros, dous de 250 euros e cinco de 100 euros, co fin de poder premiar a máis xente e mantendo sempre un gran premio. Este ano póñense en circulación 200.000 rifas, 75.000 mais que o ano pasado, esperando que sexa unha campaña de Nadal moito mais animada. Esas rifas deberán ir debidamente seladas por cada establecemento para ser entregadas aos clientes”.
Iriarte Quintana dixo que “este ano optamos tamén por xerar nas rúas de Ribadeo o mellor ambiente de Nadal posible, que faga que ao saír da casa un se alegre un pouco máis e que se evada de tanta información”.
Pérez Prada sinalou que “instalaremos o árbore de Nadal de Acisa nas Catro Calles, concretamente en Rodríguez Murias, creando un espazo único onde veciños e visitantes poidan fotografarse, fronte ao nome de Ribadeo en tamaño XL, iluminado para a ocasión. Tamén apostamos pola ambientación musical, por iso en Ribadeo volveranse escoitar, a través da megafonía, polas principais rúas as tradicionais panxoliñas”.
O presidente de Acisa seguiu a relatar que “apostaremos tamén polas actividades para os mas pequenos, sempre que as circunstancias o permitan e deixando aberta a posibilidade de cancelación. Contaremos con animación para eles grazas a unha obra de teatro o dia 18 de decembro e un taller de adornos de Nadal o dia 24. Un ano máis xa foi entregado o material gratuíto aos socios: 30.000 bolsas, papel de regalo e pegatinas”.
Jesús Pérez manifestou que “todo isto non se entendería sen unha ampla campaña de promoción, co fin de dicirlles aos ribadenses, aos veciños da comarca e de lugares próximos, que Ribadeo é o mellor lugar para facer as compras, tomar un viño, encargar as comidas e as ceas de Nadal e desfrutar dunhas festas diferentes. Faremos unha ampla promoción que completaremos con spots publicitarios en redes durante estes días e cun spot especial que se dará a coñecer o 9 de decembro na entrega dos premios nacionais de comercio, onde Acisa foi agraciada, e que servirá para promocionar Ribadeo a nivel nacional, sen dubida a principal novidade neste sentido, xa que será a primeira campaña que nos dará a posibilidade de darnos a coñecer a ese nivel”.
Francisco Iriarte indicou que “para este Nadal non debemos esquecer a campaña das Panchas, organizada polo Concello de Ribadeo, que será sen dubida un revulsivo mais para mercar e consumir na nosa localidade e que dende Acisa conta con todo o noso apoio, tamén recordar que participamos na campaña Mercando en Lugo, que sortea en todo a provincia 30.000 euros, e que ata o 14 de decembro esta activa a campaña Acisa Aforro, con descontos no carburante. E tamén participamos co Ribadeo FC na súa campaña de captación de socios coa que Acisa colabora con outros 500 euros en vales de compra”.
O xerente de Acisa manifestou que “esta campaña de Nadal supón unha inversión de mais de 30.000 euros por parte Acisa. É un dos maiores, se non o maior, esforzo económico realizado nos últimos anos, co fin de reactivar e consolidar a recuperación económica da vila. Toda esta programación exclusiva de Acisa Ribadeo contará co financiamento e colaboración principalmente de Concello de Ribadeo, administración á que lle estamos moi agradecidos, e con fondos propios da nosa asociación”.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
