Burela, 14 de novembro de 2021. A Organización de Produtores Pesqueiros de Lugo organiza este martes 16 de novembro en Burela unha nova edición das súas “Xornadas sobre Obriga de Desembarque e Valorización”, que terá lugar no salón de actos de ABSA.
Ademais de analizar a OD desde a perspectiva da administración, no encontro deste ano sepresentaranse dous proxectos relacionados cos descartes e a selectividade no arrastre, nos que participa a frota da OPP. O bloque final tratará a valorización do produto pesqueiro desde unha perspectiva gastronómica sobre como mellorar o aproveitamento de especies con escaso valor comercial e unha degustación.
A xornada dará inicio ás 10h da mañá e contará coa asistencia da directora xeral de Pesca da Consellería do Mar da Xunta de Galicia, Mercedes Rodríguez.
O primeiro bloque contará coa presenza do subdirector xeral de Caladero Nacional e Augas da UE da SEGEPESCA, Héctor Vila, que analizará a aplicación da OD na xestión pesqueira nacional e europea. Noemí Munguía, da subdirección xeral de Vigilanxia e Loita contra a Pesca Ilegal, falará da OD desde a perspectiva de control.
No segundo bloque presentaranse os dous proxectos nos que participa a frota de Burela. Xulio Valeiras, do Instituto Español de Oceanografía IEO, presentará os resultados do proxecto SELECTLUGO, que consiste en analizar melloras de selectividade na frota de arrastre de litoral que realizaron nos últimos meses no buque “Plaia de Rueta”. Ricardo Pérez do Consello Superior de Investigacións Científicas CSIC presentará o proxecto GEOCAP, que integra nunha base de datos xeoportal as capturas e descartes, e que xa se presentou aos patróns de OPP Lugo no obradoiro celebrado o pasado sábado día 6.
No terceiro bloque Bruno Pena, presidente da asociación Cociñeiros Lugo, analizará a valorización das especies pesqueiras desde o ámbito gastronómico, amosando como aproveitar especies que habitualmente teñen un menor valor de venda pero cun alto potencial de comercialización.
A xornada finalizará cunha degustación de receitas elaboradas con estas especies con alto potencial de valorización. A asistencia á xornada é gratuíta, pero con inscripción previa no mail info@opplugo.com ou no teléfono 982572823.
Esta actividade enmárcase dentro das accións de promoción da OPP Lugo incluídas no Plan de producción e comercialización anual, e contan coa cofinanciación da Xunta de Galicia e o Fondo Europeo e Marítimo de Pesca.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
