Ribadeo, 8 de novembro de 2021. Os veciños e os grupos populares municipal e provincial alégranse de que a Deputación invista na estrada de Vilela, a LU-P-5207, na entrada de Ribadeo e reclámanlle á institución provincial que siga investindo nas infraestruturas da súa titularidade. Así o manifestaron os voceiros do Grupo Municipal de Ribadeo e do Grupo Provincial Popular, Daniel Vega e Javier Castiñeira, respectivamente, tras coñecer o anuncio da Deputación e achegarse ao lugar da intervención no propio núcleo urbano.
O voceiro municipal, Daniel Vega, pon en valor “o traballo conxunto dos veciños e o Grupo Municipal Popular de Ribadeo, coa colaboración importante do Grupo Popular na Deputación, reivindicando inversións para a estrada de Vilela que pasa polo entorno do colexio Gregorio Sanz e do campo de fútbol que leva 20 anos abandonada”.
“Non era unha cousa de agora; senón que hai moitos anos que levamos reclamando o seu arranxo tanto na Deputación coma no Concello porque os veciños o pedían”, apunta. Os populares, escoitando as súas demandas, pedimos a través de iniciativas formais nos pleno para que se investise na estrada LU-P-5207.
Daniel Vega explica tamén que “eu mesmo lle reclamaba fai poucos días no Parlamento de Galicia ao presidente da Deputación, cando presentaba os Orzamentos para o 2022, un pacto polas infraestruturas. En Ribadeo e na Mariña hai moitas estradas da Deputación que están abandonadas”. Concretamente, en Ribadeo “a Deputación sabe que ten que resolver un problema en Santalla e na parroquia de Arante que comunica co Concello de Trabada”.
O popular anima á Deputación “a seguir investindo e resolvendo os problemas que teñen as nosas infraestruturas, as estradas que son competencia provincial”.
O Grupo Provincial “pisa” as estradas
O voceiro provincial, Javier Castiñeira, sinala que “o traballo que está a facer o Grupo Provincial do Partido Popular pisando as estradas de toda a provincia está dando os seus resultados. Non todos os que quixeramos porque se gobernara o Partido Popular as estradas estarían en moito mellor estado e teriamos un plan de estradas moito más ambiciosos que o que ten o goberno bipartito; pero si que é certo que as nosas demandas deron o seu resultado”.
O voceiro na Deputación explica que “as demandas que traslada o Grupo Popular nos diferentes plenos dan bo resultado aos veciños. Agardamos que o goberno provincial estime outras moitas que levamos pedido pleno tras pleno e diariamente porque a rede provincial está en moi malas condicións e, agora que vén o inverno, probablemente traerá problemas ao goberno da Deputación”.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
