Foz, 17 de decembro de 2021. O Concello de Foz presentou hoxe, venres, a programación cultural de Nadal, “pensada para que desfruten os máis cativos e para que os maiores volvan a ser nenos”, comenta o alcalde focense, Fran Cajoto.
A concelleira Inés López Couto explica que “dende a Delegación de Cultura traballouse para cubrir un amplo abano de posibilidades para que todo o Nadal de Foz guste a todas e todos” e quere “que os máis pequenos desfruten e sexan felices despois dun período complicado no que se están a portar moi ben. En coordinación con Papá Noel e os Reis Magos traemos unha programación á súa medida.”
A edil de Cultura especifica que “a programación inclúe teatro infantil e para adultos, concertos de panxoliñas e actividades para os máis pequenos. Os días 27, 28 e 29 de decembro as nenas e nenos de ata 8 anos poderán desfrutar dun Parque Infantil de Nadal na carpa instalada na Sala Bahía, con distintas e divertidas atraccións: como elemento central un tren que estamos seguros de que fará as delicias dos cativos. Xa en xaneiro, os días 2, 3 e 4 contaremos cun deslizador xigante no pavillón de Marzán, que podería estar no Polideportivo do Campo da Cabana se o tempo o permite, para que nenas e nenos de todas as idades e adultos -previa inscrición- poidan sentir a velocidade”.
Inés López engade que o Concello de Foz “desprega un amplo dispositivo para que as cartas a Papá Noel e aos Reis Magos cheguen a tempo ao seu destino. Ademais dos buzóns especiais de Nadal que nos vindeiros días poderemos atopar en distintos puntos da vila de Foz e das parroquias, os elfos estarán nas rúas de Foz o venres 17, o sábado 18 pola mañá e o xoves 23 pola tarde para recoller persoalmente todas as misivas. Que máis poderemos desfrutar? O venres 24 Papá Noel sairá dende a Casa da Cultura para achegarse ao Concello e recibir a todos os cativos; e, por suposto, os Reis Magos percorrerán as rúas de Foz desde a Rapadoira o 5 de xaneiro. Nesta ocasión, as súas maxestades e o habitante máis famoso de Laponia viaxarán sós, sen nenos, para garantir a seguridade sanitaria”.
A concelleira de Cultura indica ademais: “pero Foz tamén é música e teatro. Poderemos desfrutar nestas datas de distintas actuacións:
Sábado 18: Teatro Infantil Musical na Sala Bahía e Concerto de Panxoliñas na Igrexa de Foz a cargo de Mar Aberto e da Coral Polifónica de Foz.
Domingo 19: Gala solidaria a cargo de Teatro Axóuxeres de Vilaronte con Cousas de Mulleres e o Monólogo de Luis Miguel Yáñez.
Luns 20 e martes 21: Festival de Nadal da Escola de Música con concertos da Aula Coral e da Prebanda e Orquestra de Jazz.
Mércores 22: Teatro adulto coa obra A Lúa vai encuberta, premio II Certame Manuel María de Textos Teatrais.
Xoves 24: Concerto da DkBand da Escola de Música.
Domingo 26: Teatro infantil, de Teatro O Cubo, coa obra Ningures.
Xoves 30: Teatro infantil, de Emoción e Arte, coa obra Semente: o home que plantaba árbores.
Venres 31 e domingo 2 de xaneiro: Festival de Nadal, cos Alcaldes da Pachanga e Concerto de Aninovo da Banda de Música de Foz.
Sábado 8 de xaneiro: Concerto de Música. Entre Nós, de Son’s Varadero”.
“É tempo de pensar nas nosas familias e de saborear unhas datas moi especiais. Contando coas precaucións debidas, aínda con máscara, o Concello de Foz quere estar ao voso carón e desexarvos un Bo Nadal e un mellor e máis próspero 2022”, remata o alcalde.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
