Cervo, 18 de decembro de 2021. O Concello de Cervo programa para estas festas de Nadal unha completa axenda de eventos e actividades dirixidas a todo tipo de público; que foi presentada na tarde de onte polo alcalde Afonso Villares, o edil de Turismo, David Rodríguez, a concelleira de Cultura, Dolores García, a concelleira de Medio Ambiente, Mali Méndez, e polos representantes das diferentes asociacións que promoven e colaboran coa organización de varias das citas previstas – Fervenza de Sargadelos, Airiños do Xunco, Escola de Artes Marciais de Cervo, grupo de teatro Bordelo e a asociación de veciños de San Román-.
A programación iníciase este sábado 18 de decembro coa celebración do II Mercado de Nadal no Complexo Histórico e Artístico de Sargadelos. A xornada celebrarase de 11:00H a 20:00H e haberá diferentes actuacións culturais ao longo do día.
O deporte tamén será protagonista este Nadal da man do XIII Campionato de Nadal de Nihon TaiJitsu. A cita será o sábado 18 de decembro ás 17:00 horas no Pavillón da Veiga.
Xa cara a noite, ese mesmo día, Carlos Mariano interpretará “Las canciones de tu vida”, dentro do ciclo de concertos de O Son do Nordeste, ás 20:30H, baixo a carpa da Praza do Souto.
Para o martes 21 de decembro, recibiremos pola mañá a visita anticipada de Papá Noel que se achegará aos colexios da man da delegación de Cultura.
Á tarde terá lugar o concerto de nadal. A actuación comezará ás 20:30H no Auditorio da Casa da Cultura.
O mércores 22, a programación irá sobre raís co Tren de Nadal na Praza dos Campos. A actividade terá un horario de 11:30H a 14:00H pola mañá e de 16:30H a 20:30H pola tarde. Xa cara a noite, o mago Jorge Manchado ofrecerá un espectáculo para todos os públicos, ás 20:30H, no Auditorio da Casa da Cultura.
Na xornada do xoves 23 repite o Tren de Nadal na Praza dos Campos, tamén en horario de 11:30H a 14:00H e de 16:30H a 20:30H. Para esa mesma tarde o grupo Píscore ofrecerá un espectáculo musical para público de todos os grupos de idade.
No día de noiteboa a Asociación Fervenza de Sargadelos e o Concello celebran a Festa de Noiteboa Infanitl na Praza do Souto. O evento arrincará ás 17:00H e contará co espectáculo infantil “Animaxia”. Ademais, haberá unha chocolatada, fotomatón, sorteos e unha visita moi especial: Papá Noel! Colabora O Caseto de Copa.
O domingo 26, dentro do ciclo de concertos “A Caixa de Música”, o grupo Lucus Esemble ofrecerá un Concerto de Nadal baixo a carpa da Praza dos Campos. A cita dará comezo ás 13:30H.
O luns 27 o Apalpador visitará o pavillón de San Román. O acto está aberto a todo o público a partir das 17:00H. Organiza a Asociación de Veciños de San Román e colaboran Concello de Cervo e a Comunidade de Montes de San Román.
Esa mesma tarde na Praza do Souto, ás 19:00H, haberá un espectáculo de maxia organizado polo Concello, no que colabora Airiños do Xunco; e ás 20:00H, no Auditorio da Casa da Cultura, haberá un “Micro Aberto” para todos aqueles talentos que queiran mostrar as súas dotes musicais.
O martes 28 a xuventude cobra protagonismo co “Laser Tag”, no pavillón da Veiga, a partir das 16:30H. Xa cara a noite, ás 19:30H, proxectarase unha película no Auditorio da Casa da Cultura.
O mércores 29 de decembro, a xuventude volve ser o epicentro do programa co “Deslizador”, no pavillón da Veiga a partir das 11H. Xa pola tarde, haberá unha proxección dunha película xuvenil no Auditorio da Casa da Cultura, ás 19:30H.
O xoves 30 de decembro repite o “Deslizador”, no pavillón da Veiga a partir das 11H.
Abrimos a programación do ano novo, o domingo día 2, co ciclo de concertos “A Caixa de Música”. Os Carunchos actuarán no Auditorio da Casa da Cultura a partir das 13:30H.
Para o luns día 3 está programada a Festa Infantil na Praza do Souto de Cervo, a partir das 17:00H, na que colabora Airiños do Xunco. O martes 4 celebrarase a tradicional Festa Acuática gratuíta na Piscina Municipal, a partir das 17:00H.
Os Reis Magos, como non podería ser doutro xeito, teñen tamén moito protagonismo nesta programación. O 5 de xaneiro os pequenos da casa poderán compartir un anaco coas Súas Maxestades de Oriente nunha recepción que terá lugar na Casa da Cultura en San Ciprián, desde as 18:00H; a continuación os Reis Magos achegaranse ata Cervo para recibir ás crianzas no salón de actos, desde as 19:00 horas.
Por último, o sábado 8 de xaneiro, o grupo de teatro Bordelo presenta a obra de Francisco Piñeiro: “Pandemiga”. A función comezará ás 19:30H no Auditorio do Concello de Cervo.
Desde o Concello de Cervo convidan a toda a veciñanza e visitantes a participar nas actividades programadas e a gozar destas Festas no municipio.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
