Ribadeo, 20 de decembro de 2021. O Concello de Ribadeo conta cun novo vehículo para a Policía Local. Trátase dun híbrido adquirido pola modalidade de renting a catro anos, coa axuda dunha subvención do Fondo de Compensación Ambiental da Xunta. Unha vez transcorrido ese tempo o Concello terá a opción de mercar ese coche.
O alcalde de Ribadeo, Fernando Suárez, explicou que “é unha nova adquisición deste segundo vehículo para a Policía Local, dado que o outro todoterreo non deu máis de si xa hai uns meses. Agora aproveitamos, por unha banda unha subvención da Xunta de Galicia do Fondo de Compensación Ambiental. De aí que decidísemos adquirir este vehículo híbrido, con características híbridas, polo que a Xunta nos subvenciona unha parte do renting durante corenta e oito meses”.
E engadiu: “despois o Concello decidirá adquirilo finalmente e entre as dúas administracións imos resolver esta carencia de elementos móbiles para a nosa Policía Local, para que poida seguir facendo o seu traballo tanto na vila como nas parroquias”.
Na presentación deste novo coche estiveron esta mañá, entre outros, o xefe da Policía Local e algúns axentes, así como os concelleiros de Economía, Medio Rural e Medio Ambiente, o rexedor e representantes da empresa na que foi adquirido o vehículo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
