Burela, 23 de decembro, 2021. A Organización de Produtores Pesqueiros de Lugo e Armadores de Burela volven lanzar nestas datas de Nadal a súa xa clásica acción social “Mar de Solidariedade”, a través da que se distribuirán este ano máis de mil trescentas racións de “Merluza do Pincho de Burela” entre máis de mil cen persoas da Mariña Lucense repartidas en diferentes colectivos.
Este “Mar de Solidariedade” do Porto de Burela consiste nunha acción social a nivel local, dirixida ás familias máis necesitadas de Burela; e outra a nivel comarcal, co xa tradicional reparto de peixe entre os centros de maiores do norte de Lugo.
A través de Mulleres en Igualdade Provincia de Lugo distribuiranse desde este xoves 23 de decembro 470 racións de pescada do pincho entre as familias máis necesitadas de Burela: 105 unidades familiares que agrupan a 304 persoas atendidas.
En colaboración coa Consellería de Política Social da Xunta de Galicia, OPP Lugo e Absa doarán por cuarto ano consecutivo 838 racións de ‘Merluza do Pincho de Burela’ que se repartirán pola Mariña Lucense en 14 centros de maiores, entre residencias, apartamentos tutelados ou vivendas comunitarias; situadas en Burela, Cervo, Foz, Mondoñedo, A Pontenova, Ribadeo, O Valadouro, Viveiro e Xove.
Ao igual que en anos anteriores, o peixe xa se está distribuíndo para gozar nas ceas e comidas de Nadal ou Fin de Ano ben en pezas enteiras ou xa cortadas en lombos, filetes ou toros, segundo como demande cada centro.
Sergio López, xerente da OPP Lugo: “A merluza do pincho é a principal especie da lonxa de Burela tanto en descargas como en ventas. Desde OPP Lugo e ABSA levamos anos repetindo esta doación como o noso mellor regalo de Nadal para que non falte unha boa pescada do pincho nas mesas das residencias de maiores da Mariña e das familias máis necesitadas de Burela”.
Esta acción enmárcase dentro do plan de produción e comercialización anual de OPP Lugo e conta coa cofinanciación da Xunta de Galicia e o Fondo Europeo e Marítimo da Pesca.
O público poderá degustar embutidos de porco celta da gandería Celtagal, de Mondoñedo. O deputado de Rural Daniel García, Alba Fernández, da organización das festas, e Iván Rodríguez e Jose Barreira, representantes de Asoporcel, presentaron a iniciativa, que se inclúe no programa de fomento do consumo de razas autóctonas Un gusto de rural, un rural de gusto. O programa, posto en marcha en 2025 para socializar as calidades gastronómicas das carnes de razas autóctonas galegas con diferentes receitas, prevé este ano 37 degustacións en mercados, feiras e outras celebracións populares. Na organización, que conta coa colaboración das asociacións Puraga, Asoporcel e Boaga, prímase o emprego de materia prima de gandeiras e gandeiros locais.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A convocatoria foi realizada polo Concello para amosar a solidariedade de Ribadeo con esta catástrofe natural.
No evento participarán todas as seccións da escola, que amosarán o traballo desenvolvido ao longo do ano. A entidade adianta tamén que está a ultimar os preparativos da XL Feira do Bonito, da que ofrecerá máis información proximamente.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
O evento, organizado por O Arco da Vella coa colaboración do Concello de Barreiros e o CEIP San Miguel, contará coa participación dos grupos ACF Gamelas e Anduriñas de Espasante e O Arco da Vella de San Miguel de Reinante. Antes do festival haberá un pasarrúas con saída desde a Praza do Souto.
No acto acompañará ao autor o filólogo e escritor Ramón Reimunde.
