Foz, 12 de decembro, 2021. O Club de Atletismo ‘Ría de Foz’, en colaboración coa Run Foz Run, organizou, no día de hoxe, o ‘II CROSS OS CASTROS’, nas inmediacións do Centro Cívico de Cangas de Foz.
Ás 11h deron comezo as probas pertencentes ao Cross en idade escolar, que se enmarcan dentro do programa XOGADE, para as categorías benxamín, alevín, infantil e cadete. Este evento reuniu a todos os clubs, entidades e centros escolares da comarca da Mariña, que afrontaban, así, a súa primeira preparatoria. Destacamos, a seguir, os resultados obtidos polos nosos atletas:
Alevín Feminino: 1º posto para Amelia Carrillo e 2º posto de Amina Bouyzar.
Alevín Masculino: 1º posto de Miguel Diz e 2º posto para Adrián Villapol.
Infantil Feminino: 2º posto para Marina García e 3º posto de Alba Iravedra.
Cadete Feminino: 1º posto de Elena Pumares e 3º posto para Marta Villar.
Cadete Masculino: 1º posto para Xabi Rodríguez.
Paralelamente á primeira preparatoria do Xogade, o Club organizaba a segunda edición do ‘Cross os Castros’. A partir das 12h45 foi a quenda dos atletas absolutos, que percorreron unha distancia de 6K nun circuíto que combinaba á perfección a dureza do campo a través e a beleza das paisaxes de Cangas. A proba contou cun claro dominio dos atletas do ‘Ría de Foz’. Destacamos os seguintes resultados:
Absoluta feminina: 1º posto de Carla Trillo.
Absoluta masculina: 2º posto de Óscar Buján e 3º posto para Simón Río.
Equipos mixtos: 1º posto para o ‘Ría de Foz’.
Equipos femininos: 1º, 2º e 3º posto do ‘Ría de Foz’.
Equipos masculinos: 2º e 3º posto para o ‘Ría de Foz’.
O club agradece, de todo corazón, os diferentes parabéns que lles foron chegando, no día de hoxe, pola organización desta proba. Todos eles resaltaban a beleza da ubicación da proba, a organización e a potencialidade da mesma de cara a acoller, nun futuro, eventos de maior entidade.
Os organizadores non queren esquecer tampouco todas as entidades que axudaron, dunha ou doutra maneira, para que esta proba se puidese realizar. Moitas grazas ao Concello de Foz, Protección Civil de Foz, Policía Local de Foz, Asociación de Veciños de Cangas e ao Bar ‘Os Castros’.
Ademais, agradecen a xenerosidade dos clubs veciños e amigos como o Club de Atletismo de Ribadeo, Peña Lar Viveiro e ao CD Egovarros de Viveiro por colaborar na desmontaxe final do circuíto.
Villares detallou algunhas destas accións no encontro empresarial organizado en Vilalba pola organización profesional BNI LOU VCR Breogán, un grupo de networking integrado por unha trintena de empresarios e profesionais da provincia. Entre outras, referiuse ás axudas para favorecer o establecemento dos traballadores autónomos ou para o fomento da contratación; os plans do Igape para a expansión e innovación do tecido produtivo, ou as iniciativas de formación. “Apoiar as empresas, as pemes e aos autónomos é apoiar o futuro do territorio”, afirmou.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
