Santiago de Compostela, 30 de decembro de 2021. O secretario xeral do PSdeG-PSOE, Valentín González Formoso, sinalou hoxe en Santiago que “o acordo -asinado polos traballadores da planta de Alcoa en San Cibrao- é importante, pero o máis importante é que este se cumpra” e que a planta poida volver á actividade en dous anos.
Así o dixo logo dunha xuntanza de traballo coa ministra de Industria, Reyes Maroto, o presidente da Deputación de Lugo, José Tomé, e os alcaldes e representantes socialistas da comarca para valorar a situación logo da sinatura do acordo de Alcoa cos traballadores de San Cibrao.
O líder dos socialistas galegos explicou que a Comisión de Seguimento do acordo traballará de forma “viva” e estará composta por “interlocutores aplicados, e sobre todo con compromisos reais e permanentes por parte das administracións presentes”. Sinalou así que o Ministerio de Industria será “garante de que a palabra dada –por Alcoa aos traballadores- se cumpra”.
O responsable socialista trasladou o “respecto absoluto” do PSdeG e dos alcaldes da Mariña, na liña do que vén sinalando o Ministerio de Industria, polo acordo votado maioritariamente polos traballadores da empresa. Advertiu que “a cidadanía da Mariña non se pode permitir que os investimentos previstos nos acordos e as melloras laborais se convertan en papel mollado”.
Reyes Maroto
A ministra de Industria confirmou que o goberno “seguirá a deixarse a pel para que a Comisión de Seguimento” garanta que “a planta volva producir aluminio” en prazo e que “a Mariña teña futuro”, recuperando a súa “condición de lugar de oportunidades”. Sinalou que o acordo “non nos satisfai” pola parada das cubas, pero apuntou que “as familias poden estar tranquilas polo mantemento dos postos de traballo”.
O goberno central, dixo, “velará polo cumprimento” do comprometido, para que os contidos do convenio “se traduzan en feitos” e subliñou que “non podemos faltarlle á Mariña”. Engadiu que “Alcoa pediu a confianza dos que estivemos defendendo a planta, e esixímoslle á empresa o cumprimento dos fitos e que gañe a confianza das familias e dos traballadores que hoxe ven o seu futuro con preocupación”.
Sinalou que o compromiso do goberno pasa por “estar traballando a carón dos traballadores e do Comité de Empresa, esixíndolle tamén á Xunta o seu compromiso e responsabilidade”. Advertiu que “se trata dunha solución na que temos que sumar e o goberno galego non pode quedar de perfil”.
Afeoulle ao executivo autonómico a súa “ausencia” nos meses de negociación nos que provocou un “elemento de frustración para todos os que estivemos buscando solucións”, e así llelo trasladaron na Comisión de Seguimento.
Deputación
Na mesma liña se pronunciou o presidente da Deputación de Lugo, José Tomé, quen ofreceu a institución a colaborar na vixilancia do cumprimento do acordo por parte da empresa que, dixo, “non é para estar contentos, pero é o mellor acordo posible nestas circunstancias”.
González Formoso e Tomé mantiveron unha xuntanza de traballo coa ministra de Industria Reyes Maroto logo da celebración da primeira reunión do Comité de Seguimento do acordo entre Alcoa e o Comité de Empresa. O encontro contou coa presenza de alcaldes e portavoces socialistas dos concellos da Mariña.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
