Burela, 18 de decembro, 2021. O Pescados Rubén Burela FS pechou esta tarde os compromisos de liga para 2021 con tres novos puntos, moi disputados, ante STV Roldán FSF grazas ao gol de Cilene no minuto 19.
Saltou ao parqué de Vista Alegre o Pescdos Rubén fronte a un rival organizado en defensa, aínda que con pouca seguridade en finalización, ante o que as Guerreiras tiveron que aplicarse a fondo con paciencia de lonxe para ir atopando aos poucos os ocos. As pupilas de Lucas conseguiron chegar ao descanso con vantaxe de 1-0, coa maxia de Cilene restando 1’48” da primeira parte; a 6 burelista aproveitou para recuperar tras saque de banda visitante e facer un gran recorte a Almudena. Merecérano as galegas, con ata tres paus nos compases anteriores, nos minutos 17 e 18, con Emilly e Dany como grandes protagonistas.
Buscou o segundo o conxunto mariñán no regreso. Tras unha boa chegada de Cilene cun pé moi oportuno de Almudena chegando ao 30 de xogo, Roldán dispuxo da súa grande oportunidade con Patricia contra o pau. Responderon as de Lucas cun gran pase de Cami que non puido conectar con Dany. A alianza entre Jozi e o pau evitaron o empate das de Joaquín Peñaranda no 34, con Alba Gandía. O traveseiro volveu ser o obstáculo das laranxas para o segundo, con Emilly desde saque de esquina de Bea Mateos. Restaban aínda cinco minutos de xogo. Con 1’40” para a bucina final, Roldán apostou por porteira xogadora fronte a un Burela que soubo como aferrarse aos tres puntos.
Copa Galicia, con Ourense
A XV Copa Galicia pechará 2021 para as Guerreiras Laranxas, no partido de ida de semifinais; será o mércores 22, en casa do Ourense Envialia (20.30 horas, Os Remedios).
Ficha técnica
Pescados Rubén Burela FS: Sandra Buzón, Cilene, Peque, Irene Samper, M. Cortés, cinco inicial; tamén xogaron Cami, Dany, Bea Mateos, Emilly, Elena Aragón, Jozi Oliveira
STV Roldán FSF: Almudena, Andrea, Alba Gandía, Consuelo, Marián, cinco inicial; tamén xogaron Mayte Mateo, Patricia, Ángela, Magiángeles, Laura, Toñi, Cristina Goles: 1-0, minuto 19, Cilene
Árbitros: Amor Vizoso // Darriba Villamor. Por Roldán amarela a Consuelo (minuto 14), Toñi (minuto 19).
Incidencias: Partido correspondente á xornada 12 de Primeira RFEF Feminina disputado en Vista Alegre.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
