Ribadeo, 7 de xaneiro de 2022. O vindeiro luns, 10 de xaneiro, terá lugar o sorteo da XI Festa do Comercio de Acisa Ribadeo. En xogo estarán 4.000 euros premios. Por segundo ano consecutivo a cita non será presencial, debido á situación sanitaria que se está a vivir.
Todas as persoas que realizan as súas compras no comercio asociado entre o pasado 2 de decembro e ata o 9 de xaneiro están a recibir algunha as 200.000 rifas postas en circulación, setenta e cinco mil máis que o ano pasado.
O xerente de Acisa, Jesús Pérez, lembra que “este ano, coma o pasado, o sorteo da Festa do Comercio non será presencial para evitar as aglomeracións que se producían outros anos nesa xornada. Vaise realizar nas oficinas de Acisa o 10 de xaneiro e será emitido en vídeo a través das redes sociais da nosa asociación, coa posterior publicación dos números agraciados nos medios de comunicación”.
O presidente da Asociación de Comerciantes, Industriais, Servizos e Autónomos, Francisco Iriarte, indica que “este ano temos novidades nos premios, que se repartirán nun de 2.000 euros, dous de 500 euros, dous de 250 euros e cinco de 100 euros, co fin de poder premiar a máis xente e mantendo sempre un gran premio”.
Pérez Prada sinala que “chega o momento de revisar os bolsos, os caixóns, as bolsas, os petos para reunir todas as rifas que nos foron entregando ao longo do último mes en Ribadeo para despois revisalas con calma e coñecer os nomes dos gañadores/as desta XI Festa do Comercio”.
As persoas afortunadas terán ata o 21 de xaneiro para reclamar os seus premios nas oficinas de Acisa Ribadeo e despois disporán de dous meses para gastar eses vales de compra nos locais asociados, é dicir terán ata o 21 de marzo.
Iriarte Quintana anima “á veciñanza de Ribadeo e de toda a contorna a achegarse á nosa vila para aproveitar as rebaixas de inverno, que comezan estes días, e nas que poderán atopar grandes descontos en todos os produtos desta tempada. O noso comercio abre os domingos pola mañá, xornada na que recibimos a moitos clientes de Asturias e de diversos puntos da provincia de Lugo, que veñen mercar a Ribadeo, que veñen pasear, tomar o aperitivo ou xantar. Seguimos sendo un referente comercial e a xente dominguea aquí, xesto que lles agradecemos a todos e todas”.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
