Lugo, 13 de xaneiro de 2022. O Presidente da Deputación de Lugo, José Tomé Roca, presentará a nova campaña de turismo da institución provincial, Lugo, provincia de cine, o vindeiro xoves 20 de xaneiro no stand de Turespaña na Feira Internacional de Turismo (Fitur). Así o anunciou este xoves a Deputada de Réxime Interior, Promoción do Territorio e Turismo, Pilar García Porto, quen subliñou ao respecto que a institución provincial reforza deste xeito a proxección da provincia. “Ter un espazo no expositor de Turismo de España, coa presenza de operadores nacionais e internacionais, é unha oportunidade moi boa que amplía claramente a proxección da provincia e consolida a nosa capacidade para seguir competindo con éxito no mercado turístico de primeiro nivel”, asegurou.
Foi o propio Presidente o que acordou a participación da Deputación de Lugo no expositor de Turespaña en Fitur durante a reunión que mantivo esta semana co Secretario de Estado de Turismo, Fernando Valdés Verelst, na que ademais falaron sobre iniciativas de interese para seguir impulsando o potencial turístico da provincia de Lugo de maneira sostible.
Coa campaña que presentará na Feira Internacional de Turismo, Lugo, provincia de cine, a institución busca fomentar as visitas turísticas vinculadas aos escenarios de producións audiovisuais rodadas na provincia, como O que arde, Dhogs, Live is Life ou O sabor das margaridas, entre moitas outras. O obxectivo é dobre. Por unha banda, seguir dinamizando a actividade turística no rural en zonas cun grande valor paisaxístico, cultural e etnográfico, que non sempre figuran nas rutas máis convencionais. E, por outra banda, continuar apoiando á industria audiovisual, como xeradora de emprego e de cultura, dentro da política de apoio ó sector desenvolvida pola Deputación.
Para García Porto, “o modelo de turismo sostible, de calidade, desestacionalizado e en contacto coa natureza que impulsa a Deputación está a dar froitos moi positivos, mesmo en tempos de pandemia. O turismo é unha ferramenta para deseñar o futuro do rural, creando emprego de calidade. Se o combinamos coa actividade económica que xeran as rodaxes e coa proxección do territorio que supón a presencia de Lugo nas salas de cine e plataformas audiovisuais internacionais, penso que acadaremos un efecto multiplicador moi relevante”.
A Deputada de Turismo explicou que a institución comunicou onte á Xunta de Galicia que non estará no stand de Turgalicia, unha decisión que adoptou debido á “imposición de condicións inaceptables” por parte da Administración galega, “ao entrometerse e condicionar a organización dun acto que preside e do que só é responsable a institución provincial. A Xunta decide sempre de maneira unilateral a axenda, as datas e os tempos, tratando de relegar ós propios representantes da Deputación e aos seus invitados a postos secundarios. Todo para apropiarse do protagonismo na presentación dun proxecto que non é seu, e no que non participan para nada”. “Á Deputación nunca se lle ocorrería impoñer a planificación dun acto á Xunta. Queremos o mesmo respecto institucional e poder organizar con liberdade unha presentación que se axeite ás características da campaña e da propia estratexia que temos na Deputación en materia turística e, por suposto, que respecte o papel de cada representante institucional”.
Pilar García Porto afirmou que a Xunta “leva anos incumprindo a cortesía e o respecto institucional. O stand de Turgalicia non pode ser unha pasarela para que desfilen os altos cargos da Xunta, ten que ser o grande escaparate do turismo galego”.
Para a Deputada de Turismo, “o obxectivo da Deputación foi e será sempre conseguir a máxima proxección e repercusión da oferta turística coa que contamos na nosa provincia, deseñando programas atractivos e colaborando cos representantes do sector para conseguir un obxectivo común, que é dar a coñecer Lugo e atraer visitantes ao longo de todo o ano para xerar riqueza e emprego, sobre todo no rural”.
Neste sentido, García Porto espera “que en anos sucesivos a Xunta de Galicia tome nota e teña en conta as opinións e as necesidades das Deputacións á hora de deseñar a axenda de Fitur, de repartir as datas e os tempos, e de organizar o protocolo cos invitados”.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
A artista manchega, coñecida pola súa mestura de raíz tradicional e sonoridades actuais, ofrecerá un directo íntimo e cheo de forza o sábado 20 de xuño ás 22:30 horas. Será unha noite para gozar da música con calma, entre amigos, nun ambiente próximo e acolledor, onde as cancións se comparten case como se fose unha conversa arredor dunha mesa. As entradas xa están dispoñibles en woutick!, polo que se recoméndase adquirilas con antelación para non quedar sen sitio nesta cita única.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada, entre 12 e 19 horas, realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
