Lugo, 13 de Xaneiro de 2022. Os socialistas anunciaron hoxe que presentarán mocións en Concellos e Parlamentos autonómicos para apoiar a reforma laboral e o diálogo social. Así o avanzaron hoxe en rolda de prensa os deputados lucenses no Congreso, Ana Prieto e Javier Cerqueiro, que remarcan “que este acordo histórico contribúe en impulsar a creación de emprego estable e de calidade, para atallar a precariedade e o desemprego no noso país. Por iso pedimos altura de miras para apoiar esta Reforma baseada no diálogo, para que nos permitirá avanzar cara a unha recuperación xusta, e para que España, Galicia e Lugo sigan medrando.”
A través desta moción demandase “apoiar a reforma laboral acordada entre os representantes dos empresarios e os traballadores para impulsar a creación de emprego estable e de calidade. Contribuír co seu apoio parlamentario a potenciar a contratación indefinida fronte á temporalidade a través do contrato indefinido e do fomento do contrato fixo descontinuo, así como apoiar a recuperación da negociación colectiva para aumentar os dereitos dos empregados, que permita restablecer o equilibrio entre empresarios e asalariados. Crear un marco laboral adaptado ás necesidades do século XXI, e por último, defender o diálogo como ferramenta para alcanzar acordos como o logrado cos axentes sociais ao redor da reforma laboral, por encima de ideoloxías, e que permiten avanzar cara a unha recuperación xusta para que España siga crecendo”.
Os socialistas sinalaron que se trata dun convenio que “aposta por un emprego de calidade e deixa atrás décadas de precariedade, fronte ao modelo do PP, baseado na desvalorización salarial”. Remarcaron tamén que “a reforma laboral é un novo compromiso co que o PSOE cumpre coa cidadanía e tamén coa Comisión Europea, unha circunstancia que permitiu que España comezase a recibir os primeiros fondos europeos”.
Consenso
“Dende o PSOE reclamamos a todas as forzas políticas que apoien este acordo de empresarios e traballadores. É unha satisfacción o traballo realizado nos últimos meses consensuadamente entre o Goberno de España, a Patronal e os Sindicatos para sacar adiante esta Reforma Laboral con diálogo, negociación e acordo”. E pregúntanse “que intereses defenden aqueles políticos que non son capaces de defender os intereses acordados entre empresarios e traballadores?”, advirten.
Modernización das relacións laborais
Prieto e Cerqueiro abundaron na súa comparecencia nas vantaxes deste acordo laboral. Por unha banda “refórmase a lexislación laboral en España modernizando as relacións laborais para facer máis competitiva a economía española, e por outra banda, contribúe a dar máis garantías aos dereitos das persoas.”, argumentan.
A través deste acordo, os traballadores poden acadar unhas relacións laborais nas que a contratación permanente sexa a de carácter indefinido. Tamén se potencia a contratación indefinida fronte á temporalidade, achegando un plus de seguridade ás familias. Sobre todo nestes meses de incerteza que estamos a vivir como consecuencia da pandemia. Ademais, esta reforma reduce a precariedade e o desemprego rompendo cunha dinámica de temporalidade e precariedade que ía en prexuízo das clases traballadoras e as súas familias. Incentivase a contratación indefinida e o emprego estable. Os contratos normais serán os indefinidos, e os temporais serán só con causas concretas e controladas, en especial para sectores como o agrícola, ou a construción. Mesmo estarán acoutados no tempo, é dicir limita a contratación temporal (máximo tres meses por ano) e fomenta o contrato fixo descontinuo.
Outra gran medida é a da recuperación da negociación colectiva. A seguridade refórzase ao ter primacía o convenio sectorial sobre o de empresa, que só poderá aplicarse se determina mellores condicións salariais que o sectorial que resulte de aplicación. Búscase tamén poñer freo aos despedimentos e protexer o tecido produtivo. Os ERTE foron unha das grandes palancas na xestión da crise sanitaria, que permitiron preservar o emprego de 3,4 M de traballadores. Por esta razón agora perfecciónase e incentiva o seu uso regulando un novo instrumento: mecanismo rede de flexibilidade e estabilización do emprego, como unha alternativa ao despedimento, como forma de flexibilidade interna das empresas. Impulsase o contrato de formación, e vaise impedir os ERE nas Administracións Públicas.
Dende o PSOE apostamos por un emprego estable e de calidade
Segundo os últimos datos publicados na nosa provincia en Lugo no ano 2018 había 16.313 persoas sen emprego, e no 2021 a cifra é de 14.546. “Por iso insistimos, dende o PSOE apostamos por un emprego estable e de calidade, xa que é un piar fundamental do Estado do benestar. En tan só ano e medio, España logrou recuperar os niveis de afiliación á Seguridade Social previos á pandemia, nunca contaramos con tantas mulleres afiliadas. Este o camiño a seguir, seguir impulsando unha recuperación xusta para todas as traballadoras e traballadores”, sinalan os deputados.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
