Lugo, 15 de xaneiro de 2022. A subdelegada do Goberno, Isabel Rodríguez, informou hoxe da incorporación de oito novos vehículos ao parque móbil da Garda Civil na provincia. A subdelegada efectuou unha visita á Comandancia da Garda Civil, na que estivo acompañada polo coronel xefe, Miguel Ángel González Arias, e deron conta da recepción de seis novos automóbiles, aos que se sumarán en breve dous máis híbridos, cos que o Ministerio do Interior avanza na modernización dos medios dos que dispón a Garda Civil na provincia de Lugo.
Isabel Rodríguez agradeceu ao Ministerio do Interior o seu apoio para dotar de mellores medios ás forzas de seguridade da provincia de Lugo, co obxectivo de que poidan cumprir nas mellores condicións coa súa obriga de protección dos cidadáns.
“Estes vehículos que nos facilita a Dirección Xeral da Garda Civil permitirán atender máis e mellor as necesidades dos veciños da provincia”, destacou a subdelegada, que tamén salientou “o compromiso que mantén o Goberno para dotar de máis persoal e medios ás forzas de seguridade do Estado, logo dos anos de absoluto abandono que padeceron a pesar do cal nunca deixaron de asumir a súa responsabilidade cos cidadáns”.
Rodríguez destacou a importancia de que as forzas de seguridade dispoñan dos medios necesarios para desenvolver o seu traballo e recoñeceu o importante servizo que prestan aos lucenses, velando pola seguridade e tamén atendendo á cidadanía en situacións de crise como se demostrou desde o comezo da pandemia do coronavirus.
Os seis vehículos que xa foron entregados son catro turismos, un monovolume e un todoterreo e van ser destinados á Comandancia, para a Sección de Intervención Rápida; así como aos postos de Vilalba, Chantada, Monforte, Foz e Palas de Rei.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
