Moito se leva falado e escrito nos últimos tempo de herdanzas e plusvalías, sobre todo no ámbito fiscal. Dende o contexto do estado ata o mais local dos concellos. Seguramente con discursos moi interesados e dirixidos, pero ese non é o motivo que me leva a escribir o que agora continúa.
O caso é que as palabras herdanza e plusvalía lémbrame á situación actual do noso concello, o concello de Burela. Herdanza porque ó longo deste mandato (e nos anteriores) arrastramos a modo de lastre irregularidades en moitos ámbitos da política local que en parte impídennos avanzar. Porque, en xeral, facer as cousas mal é rápido e sinxelo, pero solucionalas soe levar moito mais tempo. O “ti vai facendo” de toda a vida, que se remonta á época da segregación (ou anterior coma o caso do Cemiterio) e que sempre resulta ser un atranco. Dende Torrentes ás condicións laborais de parte do plantel do concello, pasando pola realidade urbanística da vila, case ningún ámbito escapa desta outra “pandemia” (enténdase a metáfora).
Dende o grupo municipal do BNG xa indicamos, en varias ocasións, que non estamos dacordo con que ese mal proceder nos condicione á hora de tomar decisións, que deberan responder só á política e ó interese dos veciños e non a solucionarlles a papeleta ós que estiveron no poder e non cumpriron coas súas obrigas.
E plusvalías porque, a pesar desta difícil situación, cremos que os que temos responsabilidades por ter sido elixidos publicamente, debemos poñer toda a nosa valía, incluso dar un paso mais aínda, para mellorar a vida dos veciños. E iso supón ás veces, chegar a acordos.
Dada a situación de goberno en minoría, resulta fundamental a existencia de acordos, pero estes non poden ser a calquera prezo, e sobre todo, teñen que comprometer a tódalas partes. Como ben di o voceiro de ERC no congreso, Gabriel Rufián: “ o PSOE non fai, hai que obrigarlle a facer”. E o caso non é diferente no goberno socialista de Burela.
Iso foi o que aconteceu cando tiveron que reformular o Plan Único de 2020, posto que dende o grupo municipal do BNG esixiamos mais gasto para a partida Covid e a inclusión de obras que eran mais urxentes. Ou cando comprobamos como aumentaban as partidas de gasto social e emprego (así como unha leve baixada de impostos) nos orzamentos, algo que viñamos anos reclamando cando precisaron sacalos adiante. E tamén no acordo acerca dos remanentes, onde tentamos acordar o que nos parecía mais necesario para a veciñanza. Son actuacións que se levarán a cabo nos próximos meses, se o goberno local é capaz, que de seguro non serían posibles sen o noso impulso neses acordos.
Hai moitas cousas que se fan, ou as veces mais ben non se fan, coas que evidentemente non estamos dacordo. Pero dada a nosa situación e a situación política global da corporación cremos que o que facemos é o mais serio e responsable. Non imos xulgar o que fan os outros grupos, temos bastante con nos mesmos. E queda una ano e uns meses para que as veciñas e veciños de Burela nos xulguen a todos.
Pero mentres, imos superar e solucionar a herdanza que temos derriba, coa nosa máxima plusvalía. Igual ese é o camiño e aínda hai quen non se deu conta.
Mario Pillado Mon
Voceiro do Grupo Municipal do BNG no concello de Burela.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
