Madrid, 13 de xaneiro de 2022. A formación nacionalista rexistra novas iniciativas no Congreso para que o Goberno do Estado aplique en produtos pesqueiros o IVE do tipo superreducido de 4%, após saír á luz as recomendacións da Unión Europea de aplicar esta rebaixa. Esta medida, reclamada polo BNG, recollendo as demandas do conxunto do sector pesqueiro, contribuiría ao aumento de consumo de peixe e marisco- o que favorecería a que as consumidoras tivesen unha dieta máis equilibrada- e facilitaría un maior desenvolvemento económico de zonas altamente dependentes da pesca, como a Galiza.
“O peixe é un alimento básico e esencial nunha dieta equilibrada. Esta afirmación está apoiada por organizacións de saúde e nutrición internacionais como a OMS ou a propia FAO” lembra o deputado do BNG no Congreso, Néstor Rego, polo que debe promoverse e facilitarse o seu consumo. Para lograr ese obxectivo, de facer máis accesíbel para a poboación a adquisición de produtos pesqueiros, a organización nacionalista xa rexistraba en abril de 2021 iniciativas reclamando ao Goberno do Estado a rebaixa do IVE de 10 a 4% os produtos pesqueiros “tal e como demandaban tamén as patronais e as asociacións do sector da pesca e a acuicultura”.
No conxunto da Unión Europea, a meirande parte dos países teñen xa un IVE máis baixo que no Estado español. “En Francia aplícaselles un tipo do 5,5%; en Luxemburgo do 3%; en Chipre, Hungría e Polonia do 5%; en Bélxica e Portugal do 6%; e en Alemaña aplícase, agora mesmo, un 7%, aínda que o Goberno xa anunciou que o reducirá proximamente” destaca o deputado nacionalista. Noutros países, por exemplo Irlanda ou Malta, exclúen directamente a aplicación do tipo impositivo a estes produtos.
“Todos os datos expostos deberían ser xa suficientes para xustificar a aplicación do IVE superreducido de 4% aos produtos pesqueiros e así fomentar un maior consumo entre a poboación” enfatiza Rego. Mais, a estes argumentos súmaselle a recomendación da Unión Europea de implantar este tipo de rebaixas. Na Resolución do Parlamento Europeo sobre a estratexia «da Granxa á Mesa» para un sistema alimentario xusto, saudábel e respectuoso co medio ambiente.
Na resolución número 101 desta Resolución dise que “os prezos dos alimentos deben servir para enviar un sinal adecuado aos consumidores; considera que estabelecer uns prezos reais dos alimentos, que tamén reflictan o verdadeiro custo de produción para o medio ambiente e a sociedade, é a maneira máis eficaz de lograr sistemas alimentarios sostíbeis e equitativos a longo prazo”. Así mesmo, o documento móstrase a favor dunha maior flexibilidade á hora de estabelecer diferentes tipos de IVE para os alimentos que teñen distintos efectos sobre a saúde e o medio ambiente, e permitirlles elixir un tipo nulo de IVE para os alimentos saudábeis e sostíbeis.
Neste mesmo sentido o Comisario de Economía, Gentiloni, declarou que a nova directiva permitirá aos Estados membros aplicar estes tipos reducidos, podendo chegar a un tipo de IVE de 0% para “aqueles produtos que cobren necesidades básicas, como son os produtos alimenticios, aínda que a decisión quedará en mans de cada Estado membro”.
“Esta reforma foi anunciada por parte da Comisión Europea para a primavera de 2022 polo que a partir desa data os Estados terán a posibilidade de aplicar o IVE superreducido a produtos como o peixe e o Goberno do Estado español xa non poderá seguir utilizando como argumento para negar esa baixada a regulación europea como viña facendo até o momento” subliña o deputado nacionalista.
En definitiva, a baixada do IVE aos produtos pesqueiros serviría “para favorecer a introdución de máis peixe na dieta, hábito saudábel que axudaría ademais a reducir a factura sanitaria derivada das múltiples enfermidades que se relacionan cunha mala alimentación”, ao mesmo tempo que o aumento das vendas axudaría á recuperación dun sector central na economía da Galiza como é o pesqueiro.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
