Burela, 31 de xaneiro de 2022. O actual portavoz municipal e presidente da xestora do PP local, Manuel Rouco, foi elixido presidente do PP de Burela por aclamación no congreso celebrado este luns na localidade coa participación do presidente do PPdeG, Alberto Núñez Feijóo; a presidenta do PP provincial, Elena Candia; o secretario xeral, Javier Vázquez Nodal; o secretario de organización, Javier Vázquez Prado; o coordinador xeral, José Manuel Balseiro; alcaldes e portavoces da comarca, entre outros compañeiros do PP lucense.
A xunta directiva complétase con: María José García Eiroá como secretaria e Yovana Oroza, Ana María Álvarez, Javier Pardeiro, Félix Martins, Belinda Romero, Josefa Yáñez, Alberto Ramos, Luis Miguel Pedre, José Luís González Arnau, José Casas, Jenaro González, Plácido Fra e Alberto Rapa como vogais.
A máxima dirixente provincial explicou que “o Partido Popular continúa a renovar os órganos de dirección a nivel local e a reorganizar o traballo nas agrupacións municipais. Candia destacou que “somos un partido de xente normal, de principios e valores que favorece a incorporación de xente moza e coida da xente maior en idade e que leva máis tempo no partido. O noso obxectivo é construír unha Burela mellor. Para iso confía no equipo e no compromiso de Manuel Rouco. Esforzarémonos con cercanía e humildade para facer chegar o noso proxecto aos veciños de Burela. Non será fácil, pero imos traballar porque non é o mesmo que gobernen uns que gobernen outros. E creo que temos unha oportunidade porque o proxecto do PSOE está agotado”.
Candia tivo palabras de agradecemento para ABSA por ceder as súas instalacións, lembrou á xente do mar e ao persoal sanitario pola labor que desenvolveu durante estes dous anos de pandemia. E, precisamente, en relación ao ámbito sanitario lembrou que en Burela goberna o partido que dicía que ía pechar o hospital e non só non se pechou; senón que se aumentou e mellorou.
A mandataria provincial tivo palabras críticas co PSOE en materia de vivenda que “mentres unha ministra aprobaba en Madrid un lei de vivenda dirixida, dicían, a solucionar os problemas das persoas que non teñen vivenda; en Burela querían botar á rúa aos veciños que están cos pagos ao día”. Rouco tamén lembrou a inactividade do goberno local neste eido e o traballo do Grupo Parlamentario Popular para evitar o desafuizamento dos veciños.
Traballar con criterio e seriedade por e para os veciños de Burela
O novo presidente agradeceu o apoio dos afiliados e comprometeuse a “seguir traballando e dedicando os nosos esforzos na pouco visible, en ocasións, tarefa que supón estar na oposición”. Tamén continuaremos coa escoita activa aos bureleses para achegar propostas que dean resposta ás súas demandas. De feito, lembrou que “xa nas pasadas eleccións o noso partido presentou máis de 100 propostas froito da recompilación das necesidades que nos trasladaban os veciños sobre distintos ámbitos”.
Rouco confía no equipo do PP de Burela: “temos xente preparada e capaz nas nosas filas para afrontar o proxecto que precisa Burela. Hoxe en día, a sociedade cambiou moito con respecto a de hai 10 ou 20 anos polo que debemos e estamos preparados para adaptarnos a ese cambio”. En definitiva, asegurou que “dispoñemos das pezas necesarias para facer o que ten que facer unha agrupación local dunha vila coma Burela: traballar con criterio e seriedade para e por os veciños, sen darlle as costas nin deixar a ninguén atrás”.
O máximo responsable do PP burelés explicou que: “no próximo ano Burela debe decidir se quere seguir sendo o furgón de cola da Mariña e confiando nos partidos que agora mesmo están a lastrar o futuro da nosa vila ou recuperar a hexemonía na comarca. Neste último caso, dende o PP de Burela estamos e estaremos preparados”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
