Viveiro, 4 de xaneiro, 2022. Para o BNG de Viveiro a eliminación de perigos na parroquia de Covas é unha prioridade que debe ser solventada canto antes. Por este motivo foi que o BNG de Viveiro levou ao pleno en marzo do 2020, unha moción para reducir a sinistralidade da LU-862 no seu paso por Covas, que resultou aprobada, mais a día de hoxe está aínda sen executar a pesar da disposición da AXI. O goberno decidiu botar o freo ante o temor á perder prazas de aparcamento, decisión non comprensible por dúas cuestións: a criterio do BNG, a seguridade debe priorizar sobre o número de aparcamentos; e por outra banda, un dos acordos aprobados na moción indicaba que o goberno municipal poría en marcha un sistema de xestión de solares privados dispoñibles na zona de Covas para utilizalos como aparcadoiros públicos provisionais, a través do comodato ou préstamo de uso.
A esta falta de seguridade na estrada tamén hai que sumarlle a falta de seguridade para xs peóns nas beirarrúas. Son varias as persoas que sufriron algunha caída debido a que estas beirarrúas contan cunha franxa de baldosas anexa á estrada, que en canto está sucia ou mollada vólvese esvaradía, co consecuente risco de caídas para as persoas que as transitan. Cómpre ter en conta que existen máis beirarrúas no concello coa mesma problemática por non falar da falta de adaptación das mesmas para facilitar a accesibilidade.
Desde o BNG rogamos que se cumpran os acordos aprobados en marzo do 2020 para a redución da sinistralidade na LU-862 no seu paso por Covas, e que se reparen e limpen as baldosas esvaradías das beirarrúas de Covas así como de todas aquelas do concello que contan con este tipo de material.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
