Ribadeo, 31 de xaneiro de 2022. O Concello de Ribadeo aprobou por unanimidade, no pleno ordinario celebrado o pasado venres, a prórroga dos convenios entre o Concello e a Deputación para a xestión pública e directa da nova residencia de maiores de Ribadeo. O alcalde, Fernando Suárez, subliña que este centro é un referente na Mariña e en Galicia. No pleno tamén foi aprobada a modificación da ordenanza da plusvalía.
O rexedor anunciou que “neste pleno ordinario do venres aprobouse, de xeito unánime, a prórroga dos convenios que temos entre o Concello de Ribadeo e máis a Deputación de Lugo para a xestión pública e directa da nova residencia de maiores de Ribadeo. Entrou en funcionamento no ano 2019 e no 2022 remataba o tempo daquel primeiro convenio. Agora, con esta prórroga, manteremos as condicións ate o remate do ano 2025 cun investimento de case 3´8 millóns de euros, que serán satisfeitos con recursos da Deputación, do Concello e tamén dos usuarios. Seguimos con esta boa cooperación e coordinación entre as dúas administracións para a excelente xestión deste centro público, referente na Mariña, en Galicia e tamén no Estado”.
O alcalde ribadense engadiu que “tamén no pleno aprobamos a modificación da ordenanza da plusvalía adaptando á lexislación que o goberno do Estado acaba de cambiar para cumprir os criterios que fixou hai pouco tempo o Tribunal Constitucional. Debemos indicar que os novos métodos de cálculo previstos repercutirán nunha menor recadación para as arcas públicas e esperamos unha merma do 50% con respecto a exercicios anteriores, pasando duns 100.000 euros de recadación no ano anterior a uns 50.000 deste ano”.
O rexedor sinalou finalmente que “levamos tamén no pleno varios puntos para devolver algunha factura de provedores que as meteron de xeito improcedente como tamén aprobamos recoñecer algunhas outras facturas que os provedores as meten en exercicios contables posteriores ao ano natural en que as deben meter e iso provoca un trastorno para a contabilidade pública. Finalmente, no apartado de rogos e preguntas, como sempre, fomos dando cumpridas respostas ás cuestións que a oposición nos plantexa e aceptando rogos por suposto cando son construtivos e posibles”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
