A Mariña, 29 de xaneiro de 2022. O presidente da Mancomunidade da Mariña e alcalde de Foz, Fran Cajoto, dirixe a solicitude de reunión sobre Altri a Feijoo ante o silencio de Conde.
Cajoto sinala que “o 18 de novembro do pasado ano remitimos unha carta ao vicepresidente segundo da Xunta, Francisco Conde, solicitando unha reunión cunha representación de alcaldes da Mariña para traballar conxuntamente e que a factoría de fibra téxtil de Altri se estableza na Mariña. Dous meses e 10 días despois seguimos sen ningún tipo de resposta. É por iso que este xoves reiteramos a solicitude, ao vicepresidente Conde e ao presidente Feijoo. A Mariña non se pode pode permitir perder esta oportunidade, merecemos unha explicación”.
O presidente da Mancomunidade manifesta que “non imos parar no noso empeño, creemos sinceramente que a única saída para a grave crise industrial da comarca é un compromiso firme de todas as administracións, de todos os partidos. Ninguén na Mariña entendería que unha factoría que utiliza como materia prima o eucalipto non se estableza aquí, especialmente coa grave crise industrial que estamos a padecer. Somos principais produtores de eucalipto, non nos podemos quedar só coas migallas, hai que darlle valor engadido. Optar por outras alternativas, que requiren de transporte cando o eucalipto está aquí, sería un auténtico disparate”.
Fran Cajoto subliña que “seguimos co traballo construtivo, o obxectivo é colaborar e superar calquera atranco administrativo para implantar a fábrica de fibra téxtil de Altri na nosa comarca, buscando a mellor situación para a factoría. E aínda non recibimos resposta. Por iso non entendo este silencio: parece como s
Para o presidente da Mancomunidade e alcalde de Foz “é a Xunta a que lidera o consorcio Impulsa Galicia responsable do proxecto, que conta con Fondos Next Generation. Esperemos que desta volta si, se nos convoque, e podamos buscar a mellor ubicación para Altri na nosa comarca”.
Fran Cajoto explica que “todas as alcaldesas e alcaldes da Mariña –todos, de calquera partido político- están moi implicados co futuro industrial da comarca. No caso de Alcoa estamos a presionar á multinacional, á Xunta de Galicia e ao Goberno do Estado para que cumpran os seus compromisos. O 30 de decembro do pasado ano alcaldesas, alcaldes e concelleiros do PSOE da Mariña mantiñamos unha xuntanza coa ministra de Industria, Reyes Maroto, en Santiago. Pedímoslle esforzo, seguimento e compromiso para que o acordo se cumpra e se reactiven as cubas. A resposta foi positiva e certificaranse de forma continua os avances, as datas: se nos deixamos ir o futuro da fábrica vaise ver comprometido. Non vou confrontar con ninguén aínda que se nos falte ao respecto, sexa tenente de alcalde ou calquera outro cargo. Nesto estamos todos e o que queira usar a fábrica como arma para obter rédito político equivócase de inicio a fin e demostra que lle importa ben pouco toda unha comarca”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
