Santiago de Compostela, 18 de febreiro de 2022. A directora xeral da Axencia Galega de Desenvolvemento Rural, Inés Santé, mantivo hoxe un encontro co alcalde de Muras, Manuel Requeijo, para tratar as necesidades dos veciños deste municipio lucense. Así, na xuntanza falaron das posibilidades de dinamización e xeración de riqueza que ofrece a Lei de recuperación da terra agraria de Galicia ou as iniciativas impulsadas a través dos grupos de desenvolvemento rural.
No que se refire á Lei, a directora xeral lembroulle ao rexedor que as aldeas modelo buscan recuperar contornas de núcleos de poboación, mentres os polígonos agroforestais se centran en poñer en valor grandes superficies de terreo. Tamén se referiu á figura das agrupacións de xestión conxunta, que poden ser agrogandeiras ou forestais, e mediante as que varios propietarios poden xestionar conxuntamente as súas parcelas.
No encontro, Inés Santé referiuse a estes instrumentos da Lei de recuperación como ferramentas concibidas para crear nova actividade económica no rural, contribuíndo á xeración de riqueza e á fixación de poboación, ao tempo que se avanza na anticipación aos incendios forestais, ao exercer esta actividade de devasa natural fronte ao lume.
Ademais, na xuntanza trataron as oportunidades que ofrecen os grupos de desenvolvemento rural -neste caso, a Asociación de Desenvolvemento Comarcal da Terra Chá, que actúa en Muras entre outros concellos- para promover iniciativas que axuden a dinamizar o territorio. No caso deste municipio, abordaron a relevancia de levar a cabo proxectos, por exemplo, arredor da transformación do mel.
A maiores, no encontro de traballo abordáronse melloras en materia de fomento do gando en extensivo. Neste sentido, a directora xeral trasladoulle ao rexedor que se está a avaliar a inclusión, no proxecto de aldeas intelixentes, do desenvolvemento de sistemas para o seguimento das reses, orientados a garantir o seu benestar e seguridade, así como a sustentabilidade ambiental destas prácticas.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
