Foz, 2 de febreiro de 2022. Alumnado dos ciclos superiores de Dirección de Cociña e de Dirección de Servizos do IES de Foz asistiu hoxe, mércores, a unha charla informativa para a presentación da empresa Paradores de España. Esta actividade encádrase dentro da colaboración do centro con esta firma hostaleira estatal.
Durante a actividade o alumnado tivo a oportunidade de coñecer da man do director do Parador de Ribadeo e Vilalba, Antonio Graña, e do maître do Parador ribadense, Alejandro Lara, o modelo de xestión da empresa e as posibilidades de emprego e desenvolvemento profesional dentro dela.
O director do IES de Foz, Nicolás Asensio, explica que “Paradores é unha empresa estatal, con case cen anos de historia e 98 establecementos por toda España, trece deles en Galicia. Incorporaron recentemente dous programas de captación de talento que permite tanto ao noso alumnado como aos seus traballadores internos a posibilidade de escalar no organigrama empresarial”.
O IES de Foz solicitou continuar ofertando o vindeiro curso o Ciclo Superior de Dirección de Servizos na modalidade dual coa empresa Paradores, ofrecendo a posibilidade de realizar prácticas remuneradas durante seis meses en calquera establecemento dos que esta empresa hostaleira estatal ten Galicia.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
