Foto de arquivo
Burela, 10 de febreiro de 2022. O alcalde, Alfredo Llano, anuncia cambios no tráfico na zona dos Castros e en Suafonte. Haberá varias rúas dun so sentido de circulación, límites de velocidade para garantir a seguridade dos viandantes e crearanse prazas de aparcamento. Equipo de goberno e técnicos municipais abordaron estas medidas, que cando entren en vigor se comunicarán á veciñanza e se sinalizarán con antelación suficiente.
O rexedor contou que “estamos pensando desde o Concello en facer unha renovación do tráfico e xa estamos preparando actuacións en dous sitios concretos: un é nos Castros, ao redor do colexio Virxe do Carme, onde imos reorganizar un pouco o tráfico, máis que nada para darlle máis fluidez e seguridade, sobre todo cando se levan os nenos ao cole. Marcarase e dirase con tempo como vai quedar coa sinalización concreta en cada lugar, pero na rúa que rodea o colexio Virxe do Carme seguirá sendo de sentido único e a novidade é que se poderá aparcar do lado dereito, non do esquerdo, como se fai agora. Será así por motivos de seguridade, para deixar os nenos e as nenas na beirarrúa que corresponde á entrada do colexio. A rúa dos Castros vai ser de sentido único tamén e conectará coa rúa de Mondoñedo e coa rúa da Veiga, que tamén serán de sentido único. Os motivos son para ter maior seguridade e máis aparcamentos, pois imos dotar esa zona dun espazo de estacionamentos para favorecer a carga e descarga”.
Llano dixo: “desta maneira cremos, sobre todo polos informes dos técnicos e da Policía Local, que se vai mellorar a seguridade, a fluidez e a facilidade para deixar os nenos no colexio. É unha das actuacións de tráfico que temos previsto acometer o antes posible”.
O alcalde burelés explicou que “outra remodelación no tráfico que se está preparando é na rúa Suafonte, onde ultimamente está habendo bastantes incidentes de circulación, aínda que a maioría son cuestións menores, de pequenos golpes e rozaduras, pero que están ocorrendo. Tamén hai vehículos que circulan a demasiada velocidade por esa zona, o que queremos evitar. Así que, cos informes técnicos pertinentes, vaise poñer a rúa Suafonte en sentido único, de conexión desde a Eijo Garay ata a rúa do Mariñeiro, e esta última vai ser tamén de sentido único ata a rúa Monte Castelo. Vanse crear máis prazas de aparcamento e haberá maior seguridade no tráfico porque se evitarán accidentes”.
Alfredo Llano engadiu: “todo isto está pensado para ter maior fluidez no tráfico, máis seguridade e para gañar prazas de aparcamento con estas medidas. Vaise sinalizar e avisar con tempo cando vaian empezar estes cambios. Imos limitar a velocidade tanto na zona dos Castros, sobre todo ao redor dos colexios, como na de Suafonte, especialmente onde está a sede da asociación Eu Son. Todo isto estará perfectamente sinalizado e cando vaiamos poñelo en marcha avisaremos con tempo para ir preparándose para estes cambios, que esperamos que sexan para ben”.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
