Foz, 9 de febreiro de 2022. O grupo municipal do Partido Popular leva a iniciativa no Concello de Foz pese a estar na oposición. Nesta ocasión, o goberno seguiu o consello dos populares e decidiu investir a maior parte do que recibe da Deputación pola vía do Plan Único na mellora da moi deteriorada rede viaria municipal. A concelleira popular Verónica soto explica: “O grupo municipal do PP votou a favor do proxecto do Plan Único 2022 do Concello de Foz. E fixémolo porque fomos nós os que aconsellamos ao equipo de goberno que investira a maior parte deses máis de 400.000 euros dos que pode dispoñer o Concello en arranxar as estradas municipais”.
A mesma concelleira declara: “A rede viaria municipal, como puidemos comprobar os concelleiros populares, despois dun control exhaustivo, está en moi mal estado; por ese motivo hai moitas queixas dos veciños e debe investirse en mellorar as estradas”.
Soto indica que os concelleiros populares entenden “que a cantidade que se investirá con cargo ao Plan Único é insuficiente; por iso, o Concello, nos próximos orzamentos, debe dedicar partidas concretas a mellorar as estradas municipais e o centro urbano, no que tamén hai vías en moi mal estado, con fochancas moi grandes”. Este deterioro, din no PP, “débese a que non hai mantemento adecuado, porque o único que se está a facer e tapar as fochancas con medios propios; ás veces incluso quedan peor do que estaban. É una solución totalmente curtoplacista”.
Verónica Soto sinala: “Votamos a favor do Plan Único para Foz porque entendemos que os proxecto incluídos son necesario, pero aínda quedarán moitas estradas por amañar. Esperemos que este Plan Único veña complementado nos orzamentos municipais con partidas directas para acondicionar a rede viaria municipal”.
Os populares destacan que “a Xunta de Galicia ten concedida unha cantidade para amañar camiños rurais, que se pode sumar a este plan”. Soto sinala: “Debemos ser ambiciosos á hora de manter en boas condicións a rede viaria municipal porque supón facilitar a vida aos nosos veciños, especialmente nas parroquias do Concello de Foz”.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
