Lugo, 4 de febreiro de 2022. O portavoz de Emprego do Grupo Popular, José Manuel Balseiro, demandou hoxe ao Goberno de España que reasigne á Comunidade galega os 70 millóns de euros que quedaron sen executar dos dous últimos plans de rescate deseñados polo Goberno central, “pero que o faga cunhas condicións de acceso máis sinxelas, para que os cartos queden en Galicia e cheguen aos empresarios e autónomos que o necesitan”.
Os populares galegos buscan contar co apoio do Parlamento de Galicia nesta reivindicación e con este obxecto veñen de presentar unha iniciativa na Cámara galega. Balseiro explicou que a Xunta xa realizou a petición formal desta reasignación de fondos, en concreto, a través de sendas cartas remitidas pola Consellería de Emprego e Igualdade e dirixidas ás ministras Nadia Calviño e María Jesús Montero, pedindo a recuperación para Galicia destes cartos que, “polos atrancos impostos polo Goberno central non puideron ser aproveitados”
SIGNIFICATIVO CONTRASTE
O portavoz popular fixo un balance destes programas de apoio activados pola Xunta nos que se evidencia o contraste entre os dous primeiros plans, financiados con cargo a fondos autonómicos e os dous últimos, con fondos de transferencia estatal.
“A comparación é moi sinxela: mentres que os dous primeiros plans de rescate recibiron 80.000 solicitudes coas que se executou practicamente o 100% da contía orzamentada (182 millóns de euros), os dous segundos plans de rescate, coas limitacións impostas desde o Estado, recibiron 15.000 solicitudes que se traduciron en só un 70% do orzamento pagado (166 millóns de eruos)”
A razón desta disparidade no grado de execución estivo “nos difíciles requisitos e na sobrecarga burocrática esixida polo Goberno central para acceder a esta axudas, o que ocasionou que o 30% dos fondos estatais quedasen sen comprometer, e que teñamos que devolver os 70 millóns de euros sobrantes”
“Dada a situación actual, coa pandemia aínda presente, e con empresas e autónomos aínda con moitas necesidades de apoio, nin podemos, nin queremos permitirnos o luxo de perder eses cartos. Desde o Goberno de Pedro Sánchez aínda están a tempo de rectificar e iso é o que pedimos na nosa iniciativa”.
DATOS DE EMPREGO
Balseiro tamén aproveitou para poñer en valor e defender a folla de ruta do Goberno galego en materia de emprego, “que nos axuda a que o mercado laboral galego siga mellorando”. Explicou que “non é por casualidade” que Galicia veña de pechar o mes de xaneiro coa cifra de paro máis baixa da nosa historia, e siga mantendo un diferencial positivo en termos de emprego co resto de España.
Nin tampouco, que as cifras de mulleres e mozos desempregados sexan hoxe as menores nun mes de xaneiro de toda a serie histórica. “Esta boa evolución non serve para conformarnos, pero si para animarnos a seguir traballando nesta boa dirección que marca a Xunta coas súa estratexia de emprego”, concluíu.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
