Burela, a 18 de febreiro de 2022. O voceiro do Grupo Municipal Popular, Manuel Rouco, fai fincapé na “nula capacidade de xestión do señor Llano e o seu equipo de goberno” como demostra este segundo venres sen mercado semanal en Burela e denuncia que “o alcalde eludise de forma flagrante a súa responsabilidade escudándose, segundo el mesmo explicou, en altercados protagonizados por algúns comerciantes ambulantes para suspender de forma indefinida o mercado”.
Os populares condenan tamén que “non lle importe nada a merma económica que lle está causando aos comerciantes ambulantes. Xa o ten demostrado ao facer caso omiso das súas peticións. De feito, os comerciantes ambulantes teñen solicitado un cambio de localización porque na actual de Torrentes non venden como vendían e, polo tanto, xa son numerosas as baixas nos postos que acudían á cita semanal dos venres. Son menos agora dos que había cando chegou o señor Llano ao goberno”. Rouco lamenta que “ao alcalde pouco ou nada lle importe que os veciños que aínda acudiamos ao mercado dos venres, a pesar dos problemas provocados polo seu desgoberno, non podamos facelo”.
O voceiro popular considera que “agora queda demostrada é a falacia do señor Llano para xustificar a localización do mercado; xa que a distancia fora o motivo polo que o alcalde decidira mover o mercado pero agora anunciou que as distancias de seguridade entre postos se van a reducir”. Rouco engade tamén que “o alcalde se escudara en informes técnicos que o Grupo Municipal Popular solicitou no seu día, pero que nunca apareceron”.
O señor Llano goberna de costas aos veciños e aos sectores económicos
“Dende o PP de Burela non lle dicimos ao señor alcalde onde debe situar o mercado dos venres. Tampouco nos pediu opinión sobre este asunto como tampouco llela pediu aos comerciantes ambulantes nin aos comerciantes e hostaleiros do pobo ou aos veciños da nosa vila, manifesta o popular.
“O que si lle dicimos ao señor alcalde é que un alcalde de Burela non pode gobernar de costas aos veciños nin de costas aos distintos sectores económicos que dinamizan a nosa vila: comerciantes, hostaleiros, empresarios e un longo etcétera. Este é un dos principais motivos polo que Burela está a circular co freo de man posto, mentres que outros concellos da comarca levan velocidade de cruceiro”, consideran os populares bureleses.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
