Lugo, 14 de febreiro de 2022. A presidenta provincial do PP, Elena Candia, destaca a presenza de oito mulleres e homes da provincia de Lugo nas comisións de Benestar Social e Medio Ambiente do PPdeG, “dúas importantes áreas de traballo do proxecto político do Partido Popular e especialmente relevantes para a nosa provincia”.
A comisión de Benestar Social foi constituída co obxectivo de traballar para perfeccionar os servizos públicos e mellorar a calidade de vida das persoas e conta con persoas vencelladas aos servizos sociais e con responsabilidades na política urbana e rural. Así, son cinco os lucenses integrados nesta comisión: Manuela López Besteiro, conselleira de Familia, Muller e Xuventude entre 1993 e 2002; Luis Pardo Fernández, director do Centro de Atención a Persoas con Discapacidade (CAPD) de Sarria e presidente da xestora do PP local; Lola Castro, alcaldesa de Folgoso do Courel e deputada provincial; Águeda Valín Armas, directora da residencia de maiores As Gándaras de Lugo; e Cristina Abades, concelleira do PP en Lugo.
A comisión de Medio Ambiente, pola súa banda, inclúe a tres lucenses “comprometidos co territorio” para seguir apostando e traballando por unha Galicia verde e un desenvolvemento sostible. Trátase de Manuel Rouco, portavoz do Grupo Municipal Popular de Burela e presidente da agrupación local; Eugenia Requeijo, portavoz en Muras onde tamén preside a agrupación local e Elena Sierra, concelleira do Grupo Municipal Popular de Ribadeo.
O Partido Popular da provincia de Lugo continúa a traballar, dende os distintos órganos do partido, “construír un proxecto que sexa un fiel reflexo da sociedade da nosa provincia e para iso é imprescindible escoitar aos lucenses”. Nesa liña, “seguiremos traballando na defensa dos intereses dos nosos veciños, do progreso da nosa provincia e na procura do benestar dos lucenses”.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
