Santiago de Compostela, 7 de febreiro, 2022. A portavoz nacional do BNG, Ana Pontón denunciou a exclusión de miles de galegos e galenas no aceso a servizos bancarios. Nun acto, fronte aos caixeiros da central de ABANCA, na Coruña e acompañada dun grupo de persoas maiores, Pontón recalcou que a exclusión financeira de miles de cidadáns en Galiza “ten dúas caras”, por unha banda, no medio rural dende xa non poden acudir a ningunha oficina bancaria e para todas esas persoas para que as novas tecnoloxías estanse a converter nunha carreira de obstáculos.
Por outra parte, subliñou que a exclusión financeira tamén amosa outras caras, “peches de oficinas, encarecemento do cobro por acceder á conta bancaria, realizar transferencias ou xestionar os seus aforros”. Esta exclusión, recalcou, afecta máis gravemente ás persoas maiores ante a posta en marcha de novas tecnoloxías que supoñen outro atranco cando carecen dun teléfono móbil intelixente ou conexión a internet o ben, non teñen ou non saben utilizar un ordenador para pagar un recibo, facer unha transferencia ou simplemente controlar o estado das súas contas.
Para a nacionalista, “o sistema bancario maltrata as persoas maiores no noso país” e faino unha banca que foi rescatada por todos e todas nós, incluídos cos cartos desas persoas maiores, “máis de 90.000 de euros para recatar unha banca que agora os devolve en forma de exclusión financeira”.
Non podemos tolerar, dixo, que as persoas maiores teñan a obriga de adaptarse ao bancos, “son os bancos os que deben adaptarse as necesidades dos nosos e nosas maiores” que merecen un trato humanizado e de calidade. Este, reiterou, “é un abuso que hai que denunciar”.
A portavoz nacionalista considerou que este abuso non se parará mentres continúe a política do goberno de Fáixoo, unha política que respondeu ante a exclusión financeira, “beneficiando con 3 M€ a unha entidade bancaria para instalar caixeiros onde existía unha oficina”. Ao seu xuízo, o que realmente persegue esta medida é “ un efecto chamada para que a banca siga pechando oficinas”.
Dende o BNG queremos denunciar que tras o rescate á banca foron pechadas miles de oficinas e destruídos máis de 5.000 postos de traballo e dende o ano 2009 ao ano 2019 foron pechadas en Galiza máis de 1.200 oficinas. No ultimo ano, engadiu, o peche de oficinas afectou a 189 situándonos na terceira comunidade de todo o estado na que máis oficinas bancarias foron pechadas.
“A Xunta de Galiza non pode seguir regalándolle máis cartos ás entidades bancarias, debe defender os dereitos das persoas e particularmente ás maiores que viven unha situación de maior vulnerabilidade” en moitos casos, pola falta de instrumentos para utilizar as novas tecnoloxías.
Para a portavoz do BNG urxe que a Xunta lidere unha fronte coas organizacións sindicais e sociais, xunto ás asociacións de consumidores para “frear os abusos da banca” e pola parte das entidades bancarias ofrecer un trato humanizado e todos os recursos que precisan. De todos xeitos, dixo, non chega só coa boa vontade, “hai que modificar as leis” para protexer os dereitos das persoas usuarias da banca garantindo o acceso aos servizos sen discriminación, acompañando as reformas dunha iniciativa social para recuperar a “capilaridade do sistema bancario no nos país” recuperando as oficinas pechadas e restituíndo os servizos.
A nacionalista apostou “por unha banca pública galega” para poñer no centro a cidadanía e non “a usura” evitando que unha parte do aforro galego marcha para fóra do noso país. “Cada ano emigran 20 mil millóns de euros de aforro galego”, recursos que deben reverter en Galiza cunha visión de servizo público que debe ser unha obriga para a banca, sentenciou.
Pontón afirmou que resulta urxente acabar con calquera tipo de “abuso bancario” como o cobro de comisións, limitación de horarios ou servizos básicos aos clientes e neste sentido, propuxo impulsar en colaboración co goberno central, concellos e consumidores medidas conducentes a rematar coa exclusión financeira.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
