Burela, 5 de abril de 2022. Este mércores, 6 de abril, ás 19:30 horas no salón de plenos do Concello burelés terá lugar unha xuntanza coas persoas usuarias dos hortos urbanos. No encontro estarán presentes técnicos expertos na materia. Ese día tamén se sortearán as 42 parcelas deste proxecto, segundo anunciou no día de hoxe o alcalde, Alfredo Llano.
O rexedor dixo que “xa estamos moi cerca de poder entregar as hortas urbanas aos seus usuarios. Polo tanto vamos facer unha reunión o día 6 de abril, que é o próximo mércores, ás sete e media da tarde no salón de plenos do Concello de Burela. Van vir dous técnicos expertos en hortas urbanas para dar unha especie de obradoiro de cómo se cultiva, información válida para os que non teñan moita experiencia neste tipo de actividades”. Llano indicou que “ese mesmo día vamos sortear as 42 parcelas entre os que están anotados. Tamén vamos entregarlles un regulamento básico porque queremos que se fagan as cousas o mellor posible, sempre atendendo ao medio ambiente. Por tanto non queremos que se empreguen produtos abrasivos para abonar ou para regar senón que se faga todo defendendo sempre o tratamento ecolóxico pois iso é o que queremos poñer como valor porque realmente do que se trata é de valorar as hortas como un medio a recuperar para ter produtos frescos e de calidade, e ademais en proximidade”.
O alcalde manifestou que “xa se están enviando comunicacións a través dos correos electrónicos a todos os usuarios e usuarias para que o día 6 ás 19:30 horas acudan ao Concello e empezar a actividade nas hortas”.
Edar
Alfredo Llano subliñou que “recibimos con agrado unha boa nova que xa levábamos tempo agardando sobre a obra complementaria da Edar de Burela, que queremos que se faga realidade o antes posible dado que é o moita a necesidade que temos de substituír a actual depuradora para poñer unha nova, pero para iso necesítase facer unha obra complementaria do colector xeral. Esta obra vai asumila a Consellería de Infraestruturas e Mobilidade e o único que temos que facer desde o Concello é solicitar formalmente esa axuda para que poida aportar eses 5,2 millóns de euros que fan falta para acometer esa obra singular, importantísima e claramente definitoria do que vai ser a calidade da nova Edar. Estes colectores levan unha fórmula extraordinaria para enviar todas as augas residuais á nova Edar e por tanto vai substituír ao entramado que hai agora de colectores”.
O alcalde de Burela engadiu: “entendemos que se vai iniciar o antes posible, en pouco tempo o Consello da Xunta aprobará esta obra, que terá unha duración máxima de 15 meses”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
