Burela, 27 de abril, 2022. Hoxe pódese dicir que en Vista Alegre uniuse outra guerreira, e das duras. Máis nada que Vanessa Ares, focense, tricampioa galega de Kick boxing e medalla de bronce no campionato de España na categoría de menos de 60 quilos. Aínda que pareza que o seu traballo é moi diferente, as laranxas golpean en cada xornada aos seus rivais na cancha a base de goles, e Vanessa faio no ring mediante golpes.
Vanessa e Pescados Rubén Burela veñen representando ao deporte feminino da comarca nos seus respectivos deportes. E non o representan de maneira calquera, pois son a categoría máxima de futbol sala e Kick Boxing. Ambas as entidades significan moito para o deporte mariñán, xa que están a conseguir todos os logros deportivos posibles.
A tricampioa non chegou onde está por casualidade. Foise abrindo paso por este arduo deporte sen apenas axuda, con moitas dificultades para empezar, e compatibilizando a súa vida privada, xa que é nai de dous fillos. O kick boxing é un deporte que require moito sacrificio en múltiples aspectos e é moi meritorio que unha persoa da nosa comarca, coa súa loita estea a chegar tan lonxe a pesar do duro camiño que tivo que percorrer, con adversidades de todo tipo.
A visita de Vanessa a Vista Alegre é con motivo a compartir as súas experiencias neste deporte, desde os seus complicados inicios ata todos os sacrificios que ten que facer para chegar todo o máis alto. Vanessa ofreceu o seu experto punto de vista sobre cuestións acerca de importancia da dieta e o control do peso, xa que se te pasas un gramo non podes pelexar, tamén mostrou ás xogadoras a importancia do factor mental no seu deporte, pois segundo palabras de Vanessa, é o 90% do éxito.
Vanessa a parte de competir ao máis alto nivel ten un club de Kick Boxing Ari Foz Contact, o cal proximamente organizará unha importante velada. Tanto as xogadoras como o Club, apoian a Vanessa para que siga arroiando aos seus rivais e sumando éxitos.
Desde o club é moi importante amparar este tipo de deportistas que reflicten a máis alta categoría do deporte feminino de non só a Mariña, senón transcendendo a ámbito nacional e así desexamos que logren os seus obxectivos a nivel profesional chegando ao cume do deporte
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
