Viveiro, 2 de maio de 2022. A Xunta investiu preto de 650.000 euros nunha renovación integral do Albergue xuvenil de Area, en Viveiro. A conselleira de Política Social, Fabiola García, acompañada do delegado territorial da Xunta en Lugo, Javier Arias, visitou hoxe as instalacións, onde sinalou que grazas a esta renovación milleiros de xeracións de galegas e galegos poderán seguir desfrutando de aventuras e novas amizades nas actividades que a Xunta de Galicia organiza durante os meses de verán, primavera e outono.
Neste sentido, concretou que o Goberno galego realizou nos últimos anos numerosas melloras para acondicionar este complexo. Entre elas, subliñou a renovación completa do seu mobiliario, o cambio das ventás do inmoble ou a reparación e cambio da cuberta de lousa, que se realizou levou a cabo este último ano.
Esta adecuación do Albergue xuvenil de Area permite que durante os meses de abril e maio esta instalación, ao igual que moitas outras de Galicia, desenvolva actividades de ocio e aprendizaxe non formal dentro do programa Primavera Xove da Xunta de Galicia; e tamén que acolla durante o verán a oferta de campamentos que pon en marcha o Goberno galego, e que se dará a coñecer nas vindeiras semanas.
Actividades do ‘Primavera Xove’
Primavera Xove ofrece máis de 1700 prazas entre estadías en albergues, feiras nos espazos xoves ou encontros de networking en universidades. A conselleira explicou que con iniciativas como esta o obxectivo é darlle vida útil a instalacións como o Albergue xuvenil Area máis alá dos meses de verán.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
