O popular sinala que “as consecuencias das actitudes chulescas e prepotentes do goberno local as pagamos todos os ribadenses” porque o Concello “ten baixo mínimos servizos esenciais para o seu funcionamento”
Ribadeo, 21 de maio 2022. O voceiro do Grupo Municipal Popular, Daniel Vega, considera advirte de que “o goberno local do BNG está a crear malestar entre os funcionarios dos servizos administrativos do Concello. Moitos xa se foron e ningún quere vir”, considera.
Os populares pedirán explicacións no vindeiro pleno municipal ao entender que “este mal ambiente de traballo débese ao ego, prepotencia e ás actitudes chulescas do goberno do BNG. E as consecuencias desta situación pagámolas todos os ribadenses”, advirte o portavoz. Ademais, queren saber “por que hai que botar man de xubilados para realizar determinados trámites administrativos, algo que non ocorre en ningún Concello da Mariña”.
Vega sinala, ademais, que “servizos esenciais para o funcionamento dunha administración están baixo mínimos no Concello de Ribadeo. É o caso de intervención e secretaría, dous postos que o Concello de Ribadeo ten compartidos con outros e, polo tanto, a falta destas figuras a tempo completo vai en detrimento do noso Concello. Pero que fai o goberno do BNG? Absolutamente nada”.
O voceiro do Grupo Municipal Popular lembra que “o goberno local nos trataba de mentirosos cando advertiamos que se estaban pagando facturas e subvencións con moito retraso”; pero “o día a día demostra que diciamos a verdade. O motivo do retraso no pago de facturas e subvencións débese a que intervención e secretaría están moi poucos días en Ribadeo e, polo tanto, non poden avanzar no traballo”, explica.
Vega pregúntase “que xestións está a facer o goberno local do BNG para conseguir que veñan funcionarios a Ribadeo” tendo en conta que “haberá persoal habilitado polo Goberno do Estado” para realizar as funcións de intervención e secretaría e que “hai soldos moi ben dotados economicamente neste Concello”.
“A falta de acción do goberno local do BNG” é para o popular “unha demostración dun goberno que toca o seu fin, que non está centrado no día a día -simplemente na foto- e que van a rebufo constantemente. Están a ver cantos concelleiros xuntan para facer unha foto e repetila 70 veces; pero non na xestión do día a día”.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
