Burela, 3 de maio, 2022. Chega o final do camiño nesta edición da Copa Galicia para o Pescados Rubén, tras perder na volta de semifinal contra o Noia nos penaltis. Os mariñáns, enfrontábanse a un partido difícil cun rival potentísimo, que militará o ano que vén en primeira división. Tiñan que remontar un resultado de 5-3 de IDA e non o conseguiron.
Partido que empezaba coa intensidade que lle merece a esta fase da competición de Copa Galicia. O Burela con moito atrevemento ía ter a primeira ocasión do partido os segundos iniciais por mediación de Iago Míguez, que disparou pero detivo Henrique. Seguidamente, nun contragolpe espectacular, Pazos despois de regatear a dous rivais ten outra ocasión clarísima na que volva intervir milagrosamente o meta rival. O Noia contestaba con boas xogadas e nunha Kaluza salvou o empate.
O Burela no primeiros cinco minutos estaba máis activo en ataque e chegou o gol inicial de D. Quintela que poñía o 1-0 tras ter varias oportunidades. A partir de aquí o partido ía estar igualado durante moito tempo, con ocasións dos dous equipos pero o que a tivo máis clara foi o Noia cun disparo ao poste. Con todo, chegado o minuto 16 Iago Míguez pon o 2-0 tras aproveitar un rexeite na área proveniente dun disparo afastado dos laranxas. Nos últimos minutos da primeira parte, os locais ían ter oportunidades clarísimas para aumentar a súa vantaxe pero non ía suceder. Chegaría o descanso con vantaxe do Burela con 2-0.
Foi pitar o inicio da segunda parte e o Noia tras unha xenial xogada ensaiada recorta e marcador a través de Altamirano 2-1. Os visitantes parecían máis confiados en ataque durante este inicio, pero os laranxas ían ter dúas ocasións para aumentar a vantaxe pero que moi ben desvía Henrique. Os mariñáns apertaban moito, e tras un saque de córner que asiste a Isma, este con un zapatazo á escadra desde 25 metros logra poñer o 3-1 no minuto 24.
Co global de 6-6 na eliminatoria, o partido a partir de agora ía basearse en ambos os equipos loitando por chegar a final, con todo parecía que os laranxas estaban a arriscar máis. O partido estaba en máxima tensión, e o Noia nesta parte de encontro ía avisar cun disparo ao pau no minuto 32.
Coa eliminatoria igualada non arriscaba ningún equipo porque sabían que en calquera xogada podían botar a perder a fase. Ía acabar o partido co global 6-6 e todo para decidirse nos penaltis. Sobre isto, o Noia estivo moito máis acertado, anotando o Burela só un dos que tirou. Con isto acabouse a quenda a favor do Noia 1-3 e o partido
Ficha técnica
Pescados Rubén Burela: Kaluza, Isma, Iago Míguez, David Pazos, Quintela –cinco inicial- Lucho, Alex Diz, Pitero, Wanderson, Renato , Shunta e Edu
Noia Portus Apostoli FS: Henrique ( p), Edu Jabá, Marcelo, Altamirano e Joaki. Tamén xogaron Marcos Ferreyra ( p), Power, Javi Rangel, Bruno Gomes, Chus e Nil
Goles: 1-0 Quintela min 4; 2-0 Iago Míguez 16; 2-1 Altamirano min 21; 3-1 Isma Min 24;
Árbitros: AMOR VIZOSO, ROBERTO SEGUNDO. Tarxeta amarela a Marcelo
Incidencias: Partido correspondente á volta de semifinal da Copa Galicia Disputado no pavillón Vista Alegre de Burela.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
