A gandeira e voceira do PP de Muras, Eugenia Requeijo, manifesta tras asistir este martes ao debate no Congreso dos Deputados o seu pesar polo posicionamento de determinados grupos políticos
Lugo, 25 de maio de 2022. O Partido Popular da provincia de Lugo afea que “os deputados lucenses do PSOE actúen en contra dos intereses dos gandeiros da nosa provincia” ao “votar en contra dunha proposición de lei presentada polo Grupo Popular no Congreso que permitise a xestión do lobo como ata o de agora e non incluílo como especie protexida de forma que se prohiba a súa caza, tal e como aprobou o Goberno central o ano pasado por imposición e sen diálogo cos gandeiros”. É máis, tampouco tivo en conta o posicionamento das comunidades autónomas do noroeste, e de distintas cores políticas, que trasladaron en numerosas ocasións e a través de distintas vías o seu rexeitamento a esta decisión que non se ampara en criterios técnicos nin obxectivos que teñen en conta, entre outros aspectos, censos actualizados da poboación do lobo ao norte do río Douro.
A gandeira e voceira do PP de Muras, Eugenia Requeijo, manifesta tras asistir este martes ao debate no Congreso dos Deputados o seu pesar polo posicionamento de determinados grupos políticos. Así mesmo, puido constatar o descoñecemento da realidade que viven os gandeiros e veciños de zonas do interior da provincia de Lugo en relación ao lobo tralas declaracións dun “ecoloxista radical e urbanita”. Nese sentido, aclara que “na nosa zona -a serra do Xistral e A Mariña occidental- está a aumentar a poboación de lobos que non deixan viva practicamente ningunha cría do gando cabalar e que tamén atacan ás crías das vacas, o que supón perdas para as nosas explotacións gandeiras. Tamén se achegan incluso ás vivendas e atacan aos animais de compañía. Isto non se poden permitir” , incide.
A popular defende que “os gandeiros coidamos e protexemos o territorio que se mantén limpo grazas á nosa actividade e aos nosos animais”. Así entende que “deberían protexernos máis a nós e ao noso traballo que a un animal salvaxe”.
Eugenia Requeijo rexistrara máis de 1.700 sinaturas solicitando a exclusión do lobo do Listado de Especies Silvestres en Réxime de Protección Especial antes de ser aprobada a súa inclusión en setembro do ano pasado.
Os representantes do PP no Congreso e no Senado rexeitaron a inclusión do lobo no LESRPE nas respectivas cámaras. Posteriormente, os populares presentaran dentro das súas emendas aos PGE para o 2022, no mes de novembro do ano pasado, varias iniciativas relacionadas co reto demográfico que foron rexeitadas polos partidos do Goberno. Entre elas, excluír ao lobo da Listaxe de Especies Silvestres en Réxime Protección Especial (LESPRE) e un fondo de 100 millóns de euros para paliar os danos.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
