O voceiro do Grupo Municipal Popular, Manuel Rouco, propuxo durante a reunión coa directiva do centro a ratificación do apoio institucional cun acordo do pleno
Burela, a 10 de maio de 2022. Os populares de Burela apoiaron no Pleno da corporación municipal a proposta da directiva do IES Monte Castelo para “a implantación de formación FP Dual e do Bacharelato para adultos, así coma pequenas obras que mellorarán, se cabe, a calidade do centro educativo”. De feito, foi o voceiro popular, Manuel Rouco, o que durante a reunión celebrada a pasada semana e na que a directiva trasladou as súas peticións aos distintos grupos políticos propuxo como “mellor forma” de ratificar o apoio institucional de tódalas formacións da corporación un acordo do pleno. Esta fórmula permite darlle carácter formal ao mesmo tempo que respecta o acordado coa directiva do centro sobre “ir da man os tres grupos da corporación”.
Rouco lamenta, en relación ao anuncio do BNG, “a súa premura por facer política dunha cuestión que estaba a ser levada coa máxima pulcritude polas distintas formacións que teñen representación na corporación municipal” en beneficio de Burela, do centro e da comunidade educativa. “Sorprende especialmente tendo en conta que a formación do señor Pillado tivo, dende o primeiro momento, un interese moderado por non dicir escaso en levar esta cuestión ao pleno do Concello”.
No que se refire á cuestión estritamente educativa, o Grupo Municipal Popular teno claro: “somos fieis defensores da FP Dual como ferramenta educativa e de inserción laboral. Non de futuro, senón xa do máis absoluto presente. A consolidación desta modalidade no ámbito sanitario en Burela é primordial”, segundo defende Rouco.
“O Bacharelato para adultos parécenos da máis absoluta xustiza que quede na nosa localidade tendo en conta a cantidade de alumnado que recibe e que pode recibir nun futuro dada a localización de Burela e o IES Monte Castelo no centro da Mariña”, engade.
O popular explica que tamén “os cursos de formación continua que leva a cabo o centro parécennos do máis apropiados para seguir actualizando a todo o alumnado que decida aproveitar esta boa oportunidade que o profesorado do IES Monte Castelo nos brinda”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
