Lugo, 9 de maio de 2022. O goberno provincial, presidido polo socialista José Tomé, responsable directo da área de Vías e Obras, é incapaz de manter nas debidas condicións as estradas da rede que depende da Deputación. Agora, moitos veciños de distintas zonas da provincia, expresan ao PP o seu temor de que, como ocorreu o ano pasado, a campaña de desbroce empece tarde e sexa escasa. O portavoz provincial do PP, Javier Castiñeira, insta a Tomé a planificar debidamente a campaña de desbroce e a aumentar o investimento non mantemento das estradas provinciais, de maneira que as reparacións sexan de calidade e non chapuzas que, lonxe de resolver o problema, agrándano.
Castiñeira sinala: “Unha vez máis queremos transmitir as queixas dos veciños polo mal estado das estradas provinciais, facendo fincapé en dous aspectos. Por un lado, os veciños quéixanse de que hai moita maleza nas estradas provinciais e piden que non pase como o ano pasado, que estiveron sen desbrozar durante todo o verán, co que iso supón de falta de visibilidade en moitos puntos e, polo tanto, de falta de seguridade”. Engade: “O equipo de goberno bota as culpas e responsabilidades sobre a empresa contratada. O que queremos é moita máis previsión e planificación e menos sancións, porque este debe ser o último recurso”.
O portavoz popular tamén di: “Por outro lado, as queixas dos veciños débense o mantemento en si das estreadas, ao contrato de mantemento por lotes, que é absolutamente insuficiente. O goberno provincial vén de anunciar un novo lote; dende o PP transmitimos as inquedanzas dos veciños de que é totalmente insuficiente, porque están quedando sen facer bacheos e os que se fan ao final non resolven o problema, senón que o agrandan. Ao final do que se trata é de parcheos básicos en estradas que están moi mal de firme e que seguen sendo un risco para a circulación”.
Castiñeira deixa unha mensaxe para o presidente da Deputación: “Señor delegado de Vías e Obras, señor Tomé, dedíquese a transitar polas estradas provinciais, especialmente polas que máis dificultades teñen e verá que estes bacheos son insuficientes. Dende o PP pedimos que se aumenten esas partidas para que as empresas de mantemento poidan facer moito mellor o seu traballo e non chapuzas como estamos vendo por toda a provincia”.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
