Trabada, 9 de maio de 2022. O portavoz do Partido Popular de Trabada, José María Fernández, lamenta que a actitude “totalmente sectaria” da alcaldesa prexudica aos veciños: “ademais de non promocionar os servizos que a Xunta presta dentro do programa ‘Coidados porta a porta’ para que os veciños os coñeceran e se puideran beneficiar de consultas de podoloxía, audioloxía e estimulación da memoria gratuítas; puxo todas as trabas posibles. Isto responde ao comportamento habitual da alcaldesa socialista de “criticar á Xunta por todo”.
O voceiro explica que “a alcaldesa e o equipo de goberno, como responsables da xestión do Concello, deben poñer todo da súa parte para facer chegar aos veciños iniciativas e servizos que lles poidan resultar de interese. Dende logo, así o entendemos dende o Partido Popular de Trabada. E máis neste caso no que a unidade móbil de ‘Coidados porta a porta’ ofrece servizos gratuítos aos veciños. O que debera facer o goberno local é ofrecerlles a aqueles veciños que puideran estar interesados a posibilidades de concertarlles unha cita”.
Fernández aclara que “este luns o servizo está a funcionar moi ben, con moita asistencia de veciños que demandan, especialmente, os servizos de podoloxía e que se amosan moi contentos coa atención que reciben por parte dos profesionais que traballan na unidade móbil. É unha pena que a alcaldesa non contribuíra previamente a dar máis publicidade a este servizo que os veciños están a valorar moi ben”.
Cambio de ubicación do autobús
O portavoz popular condena que “Trabada foi o único concello da Mariña onde a unidade móbil atopou tantos problemas”. De feito, “a alcaldesa fixo mover o venres a unidade móbil da súa ubicación previamente acordada na Praza do Concello e onde estaba instalada dende o mércores a pesar de que volvería prestar servizo esta semana. Os técnicos tiveron que desmontar a unidade móbil para volver a montar hoxe noutro sitio distinto, o que supón un traballo adicional de 17 horas que era totalmente innecesario”.
Fernández considera “comprensibles” as queixas dos veciños sobre a nova ubicación porque agora non se atopa nun lugar tan visible coma a Praza do Concello. De feito, explica que “o autobús estaba situado nun lateral da praza ocupando pouco espazo e non estorbaba a circulación dos coches”.
Para o popular queda aínda máis claro o “sectarismo político da alcaldesa” tendo en conta que “todos podemos comprobar que o Concello aínda non xestionou a retirada da carpa” da Festa da Enfariñada e da Xuventude celebrada o pasado día 1 e que estorba máis que a unidade móbil dos ‘Coidados porta a porta’.
Fondos europeos xestionados pola Xunta
O portavoz aclara tamén que “o programa ‘Coidados porta a porta’ é ideado, xestionado e desenvolvido pola Xunta de Galicia. O Estado é un mero intermediario dos cartos que chegan da UE a través dos fondos europeos”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
