Abadín, 30 de maio de 2022. O Voceiro Socialista de Abadín, Pablo Díaz denunciou unha vez máis o estado no que se atopa o patio do C.E.I.P. Aquilino Iglesia Albariño de Abadín. “E facémolo tras escoitar novamente as queixas das nais e pais dos alumnos deste centro educativo, que teñen que sufrir a incompetencia política do seu Alcalde e de todo o seu Goberno que seguen sen mover un só dedo para arranxar esta situación”, denunciou.
Os socialistas lembran que o pasado mes de setembro, “xa denunciamos publicamente o lamentable estado de abandono no que se atopaban estas instalacións públicas, coincidindo co inicio do curso escolar. E case 10 meses despois comprobamos que todo segue igual. Que o Concello de Abadín segue sen realizar labores de mantemento e limpeza neste espazo”, critican.
O voceiro sinala que “agora mesmo neste patio hai cepas por riba do chan co perigo que iso supón para as nenas e nenos e ademais enchese de lama cando chove, unha situación vergoñenta que teñen que padecer os máis cativos”.
Pablo Díaz avanza tamén que rexistrou un escrito no Concello reclamando explicacións sobre as obras que anunciou a Xunta no Colexio. “Segundo puidemos saber, a través dos medios de comunicación, realizaranse reformas que contan cun orzamento que de preto de 260.000 euros), pero en ningún sitio consta que se van a realizar obras no patio do Colexio”, advertiu .
O Voceiro Socialista empraza ao Alcalde de Abadín e a todo o seu Goberno “que cobran tódolos meses das arcas municipais, a priorizar as obras no noso Concello e teñan en conta a seguridade dos nosos nenos e nenas. É urxente que arranxen o patio do colexio e que realicen labores de mantemento e adecentamento deste espazo. Déixense de pasear no coche oficial e traballen”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
