Ribadeo, 2 de maio de 2022. O Concello ven de solicitar unha axuda ao goberno do Estado para a rehabilitación do edificio municipal que estivo a ser utilizado durante moitos anos como sede do xulgado de paz de Ribadeo. O proxecto integral para o acondicionamento e rehabilitación enerxética dese edificio ascende a 296.000 euros. O alcalde, Fernando Suárez, dixo que si o Estado lle outorga esa axuda ao Concello ese inmoble sería novamente a sede do xulgado de paz e o que o Concello vai recibir en permuta en pouco tempo, na Praza de Abiaxo, quedaría para outros usos sociais e municipais.
O rexedor explicou que “recentemente presentámoslle ao goberno do Estado unha solicitude de axuda ao abeiro da convocatoria de axudas a Concellos para a rehabilitación de edificios públicos (PIREP. Estas axudas baséanse especialmente na eficiencia enerxética e na accesibilidade en edificios públicos. Por iso, vimos unha boa oportunidade para rehabilitar o edificio municipal que estivo sendo utilizado durante moitos anos como sede do Xulgado de Paz de Ribadeo”.
Suárez Barcia lembrou que “este edificio presenta actualmente unhas gravísimas deficiencias que o imposibilita para prestar ningún servizo público. O edificio, durante moitos anos, estivo cedido para sede do Xulgado de Paz, pero en materia xudicial o seu persoal, etc. son competencia e responsabilidade da Xunta de Galicia. Xa hai varios anos, tentamos pedir axuda para a súa adecuación, rehabilitación, pero o que nos chegou ofrecer o conselleiro Alfonso Rueda, que en breve será presidente da Xunta, foron migallas pois non chegaba ao 15% de todo o seu custo que daquela proxectamos nuns 180.000 euros. De aí que renunciásemos a levar adiante esta actuación por considerala moi gravosa para o Concello”.
O alcalde de Ribadeo seguiu a relatar que “tempo despois quixemos buscar unha solución digna para o Xulgado polo que optamos por darlle este uso ao edificio situado tamén na Praza de Abaixo e que recibiremos como permuta pola pequena parte que o Concello tiña na Torre dos Moreno. E agora á vista destas convocatorias de fondos europeos que canaliza o Estado, quixemos presentar un proxecto serio baseado nestes criterios da convocatoria: o acondicionamento e rehabilitación enerxética do edificio do antigo Xulgado de Paz de Ribadeo”.
Fernando Suárez subliñou que “o proxecto integral que agora presentamos ascende a practicamente 300.000 euros e tería que estar rematado en setembro de 2024. Contémplanse ambiciosas partidas para substitución da cuberta, dos pavimentos interiores, instalación de ascensor, revestimento exterior de fachada, instalación de illamentos térmicos, substitución de carpinterías exteriores, nova compartimentación interior adecuada as necesidades funcionais e adaptación das instalacións ás necesidades modernas dunha administración dixital”.
E engadiu que “se finalmente nos outorgan esta importante axuda, a intención do goberno municipal sería a de manter este nobre e simbólico edificio municipal como sede do Xulgado de Paz, quedando o outro inmoble que imos recibir en permuta en pouco tempo para outros usos sociais e municipais. Confiemos ser merecedores desta axuda por parte do goberno do Estado”.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
