Lugo, 3 de maio de 2022. A deputada Mónica Freire e o deputado Efrén Castro, acompañados polo tenente alcalde de Foz, Xavier Fanego, e pola concelleira de Deportes e Mocidade, visitaron a exposición homenaxe a Quique Guerra “Diálogos, historia e ciencia, escultura e pintura”, organizada polo colectivo Tá en Artes no Cenima de Foz pola 7ª Semana das Artes Plásticas da Mariña.
A mostra, que reúne obras de 26 artistas arredor de pezas do propio Quique Guerra, está a recibir, desde o pasado 19 de abril e ata o vindeiro 6 de maio, visitas de escolares de colexios e institutos da Mariña, coa colaboración da Vicepresidencia da Deputación de Lugo, que financia os desprazamentos en autobús, contribuíndo así ao coñecemento e difusión da obra do pintor e escultor no ámbito educativo.
En total, en pouco máis de dúas semanas, uns 1.500 nenos e nenas de centros de primaria e secundaria de Ribadeo, Alfoz, Viveiro, Mondoñedo, Cervo, Viveiro, Xove e Foz visitaron a mostra, guiadas polo artista Martín Lestao e polo historiador da arte Noel Redondo Lanzós.
A deputada mariñá Mónica Freire felicitou ao colectivo Tá en Artes polo traballo que están a desenvolver “na difusión da obra de artistas da Mariña e tamén na socialización da linguaxe artística, especialmente no ámbito educativo. A boa acollida desta iniciativa por parte dos centros escolares da Mariña supón un reforzo desta labor na que entendemos que as administracións debemos colaborar activamente”
Centros participantes nas visitas
Entre os 1.500 nenas e nenas que participan nas visitas atópanse alumnos e alumnas do IES Dionisio Gamallo (Ribadeo), do IES de Alfoz (O Valadouro), do IES Vilar Ponte (Viveiro), do IES San Rosendo (Mondoñedo) e do IES Marqués de Sargadelos (San Cibrao). Tamén dos CEIP de Cervo, Fondo Nois, O Cantel e Martínez Otero (Foz), Santa Rita de Galdo (Viveiro), e Pedro Caselles Rollán (Xove), da EEI San Roque (Viveiro) e do Centro Ocupacional Aspanane de Viveiro. As visitas teñen lugar en horario de mañá, en quendas sucesivas, dunha hora de duración, entre as 10.30 e as 13.30 horas.
Ademais de propiciar o achegamento á obra de Quique Guerra coa planificación destas visitas á exposición, no marco da Semana das Artes Plásticas da Mariña, Tá en Artes propón aos centros escolares involucrar ao alumado en exercicios creativos a partir da temática e das técnicas presentes nas obras de Quique Guerra. O obxectivo é reunilos nunha exposición, que se poderá ver tamén no Cenima de Foz a comezos do mes de xuño.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
