Os populares lograron o acordo unánime para solicitar ao Goberno a modificación da Ley de Costas porque “cos informes negativos que emitiu está a poñer en serio perigo tanto a execución dunha fábrica de salmón coma a nova EDAR, tan necesaria para Burela”
Burela, 3 de xuño de 2022. O Grupo Municipal Popular conseguiu sacar adiante as mocións que presentara ao último pleno para defender os intereses de Burela dende diferentes ámbitos: transmitindo as “xustas e factibles reivindicacións da ACIA e reclamando ao Goberno a modificación da Ley de Costas que está a afectar negativamente a Burela”. O voceiro, Manuel Rouco, subliña que “a formación popular foi a única, unha vez máis, en presentar mocións ao pleno corporativo”.
Os populares defenderon en diversas ocasións no pleno as demandas dos comerciantes, as mesmas nas que o equipo de goberno local se opuxo. Nesta ocasión, o BNG votou a favor da proposta do Partido Popular.
Por unha banda, “falamos da baixada de taxas. Neste caso, o señor Llano cometeu un desliz no pleno ao recoñecer por fin que as taxas subiron en Burela. Casualmente as que están asociadas á actividade económica e que, dun xeito ou doutro, inflúen na creación de emprego”. O Grupo Municipal Popular segue mantendo e “volve a convidar ao goberno a dar a coñecer a comparativa coas anteriores ordenanzas; xa que na nova ordenanza fiscal creada polo goberno socialista hai 15 conceptos para os que se subiron as taxas ou se crearon unhas novas, tanto para actividades lucrativas como non lucrativas”.
Sobre a limpeza de rúas e beirarrúas, “a percepción da asociación de comerciantes e do conxunto da veciñanza é que non se mellorou en absoluto a pesar da adxudicación do contrato da recollida do lixo e limpeza viaria feita polo goberno local cunha suba considerable do prezo con respecto á anterior”.
O Grupo Municipal Popular volveu defender, en relación á modificación do mercado semanal dos venres, “que se dialogue coas partes afectadas para poder chegar a un consenso xusto e razoable para todos. Neste punto, o señor Llano faltoulle ao respecto tanto aos membros da asociación de comerciantes coma aos comerciantes ambulantes ao manifestar que estaban sendo manipulados pola formación popular, como se eles non tivesen criterio propio”. Rouco considera “lamentable que o señor alcalde dea a entender que todos os que non estean a favor do seu ordeno, mando e fago saber van estar condicionados polo Partido Popular”. Nese sentido, “o que está a facer o señor Llano é poñer a venda antes da ferida de cara ás eleccións municipais; non tendo reparos en faltarlle ao respecto a quen faga falta”.
Os populares manifestan a este respecto que “imos estar sempre á escoita das necesidades dos diferentes colectivos da nosa vila, acudindo á chamada de todos eles cando o precisan e sendo o seu altofalante, no caso de que así nolo encarguen, ante a falta de resposta doutras formacións políticas”.
Outra das mocións presentadas polo Grupo Municipal Popular “foi a encamiñada a desatascar a problemática xurdida por parte de Costas do Estado que, cos informes negativos que emitiu, está a poñer en serio perigo tanto a execución dunha fábrica de salmón coma a nova EDAR, tan necesaria para Burela”. Esta iniciativa foi aprobada pola unanimidade dos votos da corporación local.
Orzamentos “optimistas, non realistas”
O Grupo Municipal Popular de Burela votou en contra da aprobación dos orzamentos municipais para o 2022 que o goberno local levou ao pleno “por fin”. O voceiro popular explica que se trata duns “orzamentos irreais porque calcan a estimación de ingresos do ano pasado no que o goberno local gastou máis do que ingresou. A desviación da relación ingresos-gastos foi superior aos 700.000 euros. É dicir, o goberno local recadou 700.000 euros menos do que esperaba; dando lugar a un balance negativo no exercicio 2021. E este ano volve pola mesma senda, desbordando un optimismo esaxerado as súas previsións e poñendo en serio perigo as xa de por si escasas arcas municipais”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
