Analizaranse e exporanse resultados de proxectos Galp en distintos territorios, falarase sobre a situación do DLP nas distintas comunidades autónomas e daranse a coñecer as iniciativas apoiadas polo Galp A Mariña-Ortegal en Burela
Burela, 13 de maio de 2022. A Casa da Cultura do Concello de Burela acollerá este martes 14 e mércores 15 de xuño a VII Sesión Plenaria da Rede Española de Grupos de Pesca co obxectivo de deseñar o futuro do Desenvolvemento Local Participativo (DLP).
Co obxectivo principal de facilitar a cooperación e o traballo en rede para consolidar un presente sostible e un futuro viable para as comunidades pesqueiras como Burela en particular e A Mariña en xeral, a REGP promove a súa sesión plenaria na localidade, un punto estratéxico de desenvolvemento socioeconómico da comarca, para intercambiar experiencias e boas prácticas e dinamizar a interacción entre os grupos.
O alcalde de Burela, Alfredo Llano, manifestou en positivo “a oportunidade de celebrar neste concello un encontro a nivel estatal do que van derivar moitas das conclusións que marcarán a pauta futura no sector pesqueiro”, explicou o rexedor, engadindo que “tamén é un bon escaparate para visibilizar o traballo que se realiza desde a Galp A Mariña-Ortegal, entidade coa que o concello mantén un estreita relación colaborando en todos os proxectos que se impulsan, integrando os valores de pesca sostible e respectuosa coa biosfera mariña e marcando un paradigma de interacción co medio”.
As xornadas comezarán cunha análise por parte do coordinador da REGP, José María Solana, sobre a situación do DLP en cada Comunidade Autónoma do Estado, intervención que precederá á presentación do GALP A Mariña Ortegal, cuxas prioridades sinalan ao mantemento da actividade pesqueira, a promoción do relevo xeracional nesta actividade, a explotación dos recursos pesqueiros desde a sostibilidade, a creación de empregos de calidade que fixen poboación na zona, así como a oferta dun turismo integrado, consensuado e desestacionalizado, dotando de valor os recursos naturais, culturais e patrimoniais.
Tamén se abordarán distintas experiencias e proxectos dos Galp doutros territorios como Almería, Pontevedra, Tenerife ou Costa da Morte, así como a aplicación do Fondo Europeo Marítimo e de Pesca (FEMP) e os resultados e impacto do DLP no territorio.
O alcalde de Burela acompañará a expertos e autoridades nunha visita ao entorno portuario, “lugar onde tamén lles poderemos explicar os distintos proxectos apoiados polo Galp A Mariña- Ortegal, como o novo sistema de “puja” para mellorar a competitividade na única lonxa do mundo que combina a tradición da poxa oral coa automatización”.
Burela, un referente tamén no eido deportivo
Falar de Burela no só significa pensar nun punto de referencia incuestionable no sector pesqueiro, que a sitúa no mapa cun dos portos máis importantes a nivel internacional. Burela é tamén deporte, é un referente no mundo do fútbol sala que acaba de acoller esta mesma fin de semana unha competición de primeira orde estatal.
Llano tamén quixo agradecer á Federación Española de Fútbol Sala que “elixira Burela para disputar a Copa de España Xuvenil de futsal, na que os mellores equipos nacionais se deron cita no Vista Alegre, unha honra para todos nós e un espectáculo deportivo moi motivador para todos os veciños e veciñas, especialmente para a xente máis nova”.
En definitiva, o alcalde destacou que “son moitos os ámbitos nos que Burela se promove como localidade onde se concentra un gran dinamismo que contribúe a que se coñeza e recoñeza, como no sector pesqueiro, cultural e, por suposto, o deportivo”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
