A directora Xeral de Turismo, a ex alcaldesa e vicepresidenta primeira do Parlamento de Galicia e o CEO de Medrar Smart Solutions pasaron revista ás posibilidades que ofrece ao municipio o continuo incremento de peregrinos no Camiño Norte
Mondoñedo, 17 de xuño de 2022. Mondoñedo acolleu este xoves unha mesa redonda sobre O impacto socioeconómico do Camiño, que tivo por marco o Centro de Interpretación do Camiño Norte de Santiago. Participaron a directora xeral de Turismo, Nava Castro; a ex alcaldesa de Mondoñedo e vicepresidenta primeira do Parlamento de Galicia, e Hugo Criado CEO de Medrar Smart Solutions. O foro estivo moderado polo delegado do Progreso na Mariña, Xavier Lombardero.
Dende o goberno municipal, sinálase que o Camiño supón a “entrada doutras culturas”, co conseguinte intercambio no que “tanto nos aportan eles, coa ampliación de perspectivas culturais que supón, como nós a eles, porque veñen con fame do autentico”.
Os responsables municipais de Mondoñedo destacan nos visitantes: moderación, concreción, respecto, hábitos de vida saudables, educación, agradecemento”. O equipo presidido polo alcalde, Manuel Otero, sinala que queda claro que este tipo de “turismo” é posible.
Dende o Concello manifestan que, no económico, non cabe dúbida de que o Camiño “é hoxe o motor de Galicia, a divisa que se reparte mais socialmente; impulsa pequenos proxectos familiares de hostalería e hospedería, negocios complementarios, tendas, farmacias, etcétera; todo o que toca os camiños colle valor”. Engaden, asemade, “que axudan a innovar”.
Dende o punto de vista do patrimonio, segundo a opinión expresada polo goberno de Mondoñedo, os peregrinos “fan cos seus comentarios que poñamos en valor o que temos e que o coidemos, tanto o material como o inmaterial”. Destacan a importancia do crecemento continuo do número de peregrinos. En síntese, o Camiño fomenta o traballo en equipo e o asociacionismo, incentiva a rehabilitación e incentiva colaboración pública e privada.
O goberno municipal destaca como retos eliminar burocracia e aproveitar o Camiño para asentar emprendemento, polo que, en palabras de Elena Candia, “o que analizamos hoxe en Mondoñedo é extrapolable ao resto de Camiños da provincia”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
