Viveiro, 17 de xuño de 2022. O Concello de Viveiro reuniuse co presidente da Asociación Cultural Deportiva Penalba, Juan Canoura, e cun representante de Puerto de Celeiro, Eduardo Míguez, para buscar unha solución que permita que neste 2022 poida celebrarse a Festa da Merluza, tendo en conta que se están a executar obras no espazo no que habitualmente se viña celebrando.
“Tras dous anos de pandemia, nos que non foi posible disfrutar desta celebración e ante a problemática existente, o Concello de Viveiro asume facerse cargo da carpa de grandes dimensións, nas inmediacións da piscina municipal, para solventar este problema e garantir o espazo necesario para a súa celebración”, explica a alcaldesa, María Loureiro.
“Estamos na obriga de facer todo o posible, xa que esta festa serve ademais como reactivación da economía local e do sector servizos”, apunta.
A Festa da Merluza do Pincho, que conta coa distinción de Festa de Interese Galego, é unha das festas gastronómicas máis importantes de toda a comarca e caracterízase pola implicación dos veciños e veciñas da parroquia, e incluso de todo o concello, colaborando coa Asociación Cultural e Deportiva Penalba, encargada da organización, para que todo sexa un éxito.
Tamén é fundamental o papel da Cofradía de Pescadores de Celeiro e mais do grupo empresarial Puerto de Celeiro, pola súa inestimable colaboración ao doar a merluza do pincho necesaria para a celebración da festa.
“É unha alegría saber que o vindeiro 16 de xullo, en Celeiro, poderemos disfrutar novamente desta Festa e saborear este magnífico produto, preparado de sete maneiras diferentes, todas elas, deliciosas. Non podía ser doutra maneira cando o ingrediente principal é a merluza do pincho, pescada con palangre polos barcos de Puerto de Celeiro en aguas do Gran Sol, baixo criterios de sostenibilidade medio ambiental e social”, engade Loureiro.
A merluza del pincho de Celeiro, que é o produto gastronómico máis representativo do noso concello, é un alimento de grandes beneficios nutricionais e extraordinario sabor, que conta con numerosos premios e certificacións que avalan a súa calidade.
Para o Concello de Viveiro é unha honra colaborar coa organización da Festa da Merluza, como vén sendo habitual, e continuar promocionando este produto a través da nosa participación en diferentes feiras, conseguindo que a merluza do pincho de Celeiro sexa recoñecida internacionalmente.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
