Foz, 28 de xuño de 2022. A tenente de alcalde e concelleira de Facenda de Foz, Inés López Couto, presentou os orzamentos do ano 2022, que se levarán a aprobación no pleno ordinario deste mes de xuño, o vindeiro xoves día 30.
En palabras da tenente de alcalde e concelleira de Facenda son “os orzamentos da recuperación, da volta á normalidade e do investimento real real”. A este respecto destaca que “continuamos apostando pola parte social, para acompañar á xente que o está a pasar mal, especialmente nun contexto de subida de prezos”. A volta á normalidade despois dunha pandemia tamén é destacable: a concelleira de Facenda, que tamén o é de Cultura, salienta as partidas destinadas a cultura e a distintos eventos: “nunca deixamos de programar, tampouco no ano 2020, pero este verán volvemos completamente á normalidade e nótase. Apostamos polo teatro, investimos na biblioteca e na Feira do Libro e nun festival co mellor da música galega, pensado para os máis novos, como é o Festival Vrao. Destinamos 103.000 euros de fondos propios para a renovación e mellora da Sala Bahía e 5.500 euros para novo material da Escola Municipal de Música Arcadio Mon”.
Dentro da renovación e mellora da sinalización turística de Foz destínanse 8.000 euros para o sendeiro azul e outras rutas no concello, ademais de 5.000 euros para novos equipamentos informáticos cos que facilitar o traballo dos funcionarios e empregados municipais.
O alcalde de Foz, Fran Cajoto, destaca ademais o esforzo inversor en infraestruturas: “unha partida de algo máis de 53.000 euros para a renovación de viais en parroquias, 48.000 euros para a adquisición de maquinaria para a mellora e desbroce de camiños, 58.000 euros para o remate das obras da Costa do Castro, como marca o convenio asinado coa Deputación de Lugo, así como 139.000 euros para costear o inicio das obras -tamén en colaboración coa Deputación de Lugo- de renovación do eixo entre Glorieta de Vilalba e Campo da Cabana, polas casas baratas.
Un esforzo inversor no casco urbano e nas parroquias que pretende ser equilibrado, sostible e sostido no tempo. O orzamento deste ano elévase na partida de gastos a algo máis de 8,5 millóns de euros, dos cales case 500.000 se corresponden a investimentos reais”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
