O portavoz popular, Javier Castiñeira, considera que na versión aplicada polo socialista Tomé “hai traballadoras de segunda, como son as contratadas pola empresa, e traballadoras de primeira, que son as da Deputación de Lugo”
Lugo, 7 de xuño de 2022. O presidente da Deputación, José Tomé, presentou días pasados diante do presidente do Goberno, Pedro Sánchez, o modelo social da institución provincial. Un modelo de residencias da terceira idade no que os traballadores teñen que facer fronte a problemas de distinta índole e, como pasou recentemente en Trabada, con risco de ser despedidos por protagonizar reivindicacións. Un modelo no que, no caso de Castroverde, segue sen funcionar o centro de día que debería estar operativo na residencia. O portavoz popular na Deputación, Javier Castiñeira, estivo esta mañá cos voceiros do PP en Trabada, José María Fernández, e en Castroverde, Rubén Otero. Castiñeira sinala que “no PP entendemos que o sistema que usa a Deputación de Lugo para xestionar as residencias, tal como o aplica, é o peor de todos para os traballadores; hai traballadores de segunda, como son as contratadas pola empresa, e traballadoras de primeira, que son os traballadores da Deputación de Lugo”.
O portavoz popular destaca que “estamos a ver que en moitos casos quen sofre os agravios laborais son os traballadores e traballadoras das empresas contratadas”. Castiñeira pregunta “ao señor Tomé se este é o sistema que foi presentar ao señor Sánchez a Madrid, un sistema que discrimina aos traballadores segundo a súa categoría, un sistema no que se protestas bótante fóra e bótanlle a culpa á empresa, pero todos sabemos quen está detrás desta decisión en contra dos traballadores”.
Pola súa, o portavoz popular en Trabada, José María Fernández, sinala: “No Partido Popular de Trabada estamos realmente preocupados polo que está ocorrendo na nosa residencia da terceira idade. Preocúpanos moito porque afecta aos residentes e aos traballadores e traballadoras. E fronte aos problemas, a nosa alcaldesa, a socialista Mayra García (PSOE), escóndese, non dá a cara; a súa obriga é explicar que está pasando, facer fronte aos problemas e solucionalos”.
Engade: “A alcaldesa cualifícase a si mesma como sindicalista, pero vemos que cando unha traballadora da residencia denuncia o que non se está cumprindo nos seus contratos, pois esa traballadora é despedida, con despido que a propia empresa que xestiona a residencia recoñece que é improcedente. Incluso dende altas esferas do Concello se intenta que non se apoie a esa persoa despedida. Hai moito que explicar e hai que solucionalo canto antes”. Fernández lembra que a residencia enmárcase “nun convenio entre a Deputación e o Concello que pagamos todos e todas as trabadenses” e tamén que Mayra García, “ademais de alcaldesa e deputada provincial, polo que ten aínda máis responsabilidade”. O portavoz popular di á rexedora que “non se pode gobernar con dobre cara; por un lado, ir co sorriso aos actos públicos e, por outro, exercer o poder de xeito autoritario, sen admitir crítica algunha”.
A súa vez, o portavoz do PP en Castroverde, Rubén Otero, anuncia que pedirá a comparecencia da concelleira de servizos sociais, María Luisa Freire, no pleno da corporación municipal para que explique que está pasando na prestación do Servizo de Axuda a Domicilio, á vista tanto das queixas das traballadoras como dalgúns usuarios. Igualmente, o mesmo concelleiro popular pedirá explicacións de por que non está operativo o centro de día na Residencia da Terceira idade de Castroverde, un servizo moi necesario nun concello coa poboación moi envellecida como é este.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
