Os populares destacan que os terreos foron adquiridos no seu momento por un goberno local do PP e estaban previstos para uso deportivo
Lugo, 14 de xuño de 2022. Cando un goberno carece de proxectos claros, acábase reflectindo na ordenación dos territorios. É un feito evidente no concello de Meira. Precisamente, pola falta dun planeamento urbanístico actualizado e axeitado, unha vez máis, un investimento considerable de fondos públicos, esta vez procedentes da Deputación, non será rendible socialmente e, o que é peor, xerará incomodidades a moitas persoas maiores. A obra en cuestión e un aparcadoiro, que, por decisión do goberno local, sitúase a uns seiscentos metros do centro urbano e comercial, cando podería estar ao lado do mesmo, porque hai terreos baleiros. Así o indica o portavoz popular na Deputación, Javier Castiñeira, que xunto con viceportavoz no organismo provincial, Óscar Poy, visitou as obras do aparcadoiro, en compañía do portavoz municipal, Carlos Veiga, e do afiliado popular Manuel González.
Castiñeira explica: “O grupo provincial do Partido Popular visitou o concello de Meira, a petición do grupo municipal, que ten por portavoz a Carlos Veiga, para ver unha obra que se está a executar con fondos provincias. Trátase dun aparcadoiro, que ten un orzamento de cerca de 300.000 euros, e que, segundo os veciños e o PP de Meira, queda moi lonxe do centro urbano e vai ter pouca utilidade para os veciños. Hai que entender que esta é una comarca de zona rural, onde moita xente maior vén comprar á zona comercial de Meira e non pode ter o aparcadoiro moi lonxe do punto no que fai as compras”.
En palabras de Castiñeira, os populares lembra que o terreo no que se levan a cabo as obras “é un solar adquirido no seu momento por un goberno local do PP, para outros fines, entre eles deportivos, e non para un aparcadoiro. Para un estacionamento hai fincas moito máis próximas ao centro urbano, que poderían ser moito máis útiles; con menos cartos se podería conseguir un resultado moito mellor”.
En resumo, o portavoz popular aclara que no PP hai “descontento por ver como ás veces se tira os cartos provincias en obras que entendemos que van ter pouco uso”.
O portavoz popular en Meira, Carlos Veiga, destaca, pola súa banda, que o alcalde, o socialista Antonio de Dios, fixo caso omiso das suxestións expostas polo seu grupo para situar o aparcadoiro ao pé da zona comercial, é dicir, do centro urbano. Sinala que onde hoxe se constrúe o aparcadoiro estaban previstas instalacións deportivas, fin para o que foron adquiridos estes terreos por un goberno local do PP. Considera que non é de recibo pavimentar con formigón unha ampla superficie ao pé do río, ao lado dun parque e nunha zona que é Reserva da Biosfera.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
